ជីវិតកម្សាន្ដ

ងិន ម៉ារ៉ាឌី បង្ហើបបទពិសោធន៍ជោគជ័យក្នុងរឿងស្នេហា

បានផុស

២ years មុន

នៅ

ថ្ងៃសុក្រ ៨ កញ្ញា ២០២៣

ដោយ

ចំណងស្នេហារបស់អ្នកនាង ងិន ម៉ារ៉ាឌី ម្ចាស់មកុដ Miss Universe Cambodia 2021 និងស្វាមី គិតមកទល់ពេលនេះបានចាប់ផ្ដើមឡើងមានរយៈពេលជិត ១ ឆ្នាំហើយ ខណៈចំណងដៃអាពាហ៍ពិពាហ៍ គឺ ពួកគេកំពុងត្រៀមទទួលកូនដំបូង នាពេលឆាប់ៗ ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការកត់សម្គាល់ក្រោយពីជោគជ័យលើវិស័យសិល្បៈមួយសន្ទុះមកនេះ បើក្រឡេកទៅមើលពីជីវិតគូរបស់អ្នកនាង ងិន ម៉ារ៉ាឌី វិញ ក៏មានសុភមង្គលខ្លាំងណាស់ដែរ ខណៈជារឿយៗ អ្នកនាង ម៉ារ៉ាឌី និង ស្វាមី តែងតែបង្ហាញពីក្ដីស្រឡាញ់ និងភាពផ្អែមល្ហែមក្នុងដំណើរកម្សាន្តជាលក្ខណៈ គ្រួសារ ដើម្បីឲ្យជីវិតគូកាន់តែមានន័យថែមមួយកម្រិតទៀត។

ដោយឡែកចាប់អារម្មណ៍នៅក្នុងដំណើរកម្សាន្តដ៏មានសេចក្ដីសុខជាមួយស្វាមី កាលពីថ្មីៗ មុននេះ ស្រាប់តែអ្នកនាង ងិន ម៉ារ៉ាឌី បានឆ្លៀតធ្វើការចែករំលែកបទពិសោធន៍ផ្ទាល់ខ្លួនដែលអាចជោគជ័យក្នុងរឿងស្នេហា។ អ្នកនាង ងិន ម៉ារ៉ាឌី បានលើកឡើងខ្លឹមសារថា «ដឹកដៃ My love ដើរតាមមាត់សមុទ្រ ហើយលួចខ្សឹបប្រាប់គាត់ថា សេចក្ដីស្រឡាញ់ បើបរិសុទ្ធពិត គឺវានឹងជោគជ័យ តែបើវាក្លែងក្លាយ ឬ មិនពិត គឺវានឹងបរាជ័យ»។

គួររម្លឹកថា តារាសម្ដែង និងម៉ូដែល ងិន ម៉ារ៉ាឌី បានសម្រេចចូលរោងការជាមួយលោក ទិត្យ វ៉ាន់ណូរ៉ា កាលពីថ្ងៃទី ០២ ខែមេសា ឆ្នាំ ២០២៣ ខណៈបច្ចុប្បន្ននាងក៏កំពុងតែពពោះកូនដំបូងបានប្រមាណ ៥ ខែហើយ។ មិត្តភ័ក្ដិ និងអ្នកគាំទ្រ បានអបអរសាទរចំពោះដំណឹងនេះ ហើយបានជូនពរឲ្យម្ដាយ និងកូន មានសុខភាពល្អទៀតផង៕

អត្ថបទ ៖ ចាន់រ៉ា