ជីវិតកម្សាន្ដ

អារម្មណ៍ពិត ចន សុទីម៉ា ក្រោយក្លាយជាម្ចាស់មកុដ MUC 2023

បានផុស

១ year មុន

នៅ

ថ្ងៃសុក្រ ៨ កញ្ញា ២០២៣

ដោយ

ម្ចាស់មកុដបវរកញ្ញា Miss Universe Cambodia 2023 កញ្ញា ចន សុទីម៉ា បានបង្ហាញនូវអារម្មណ៍មោទនភាព បន្ទាប់ពីឈ្នះមកុដកាលពីយប់មិញ។ ក្នុងនោះ បវរកញ្ញារូបនេះ ក៏បានថ្លែងការអរគុណដល់ប្រជាជនកម្ពុជា និងអ្នកគាំទ្ររបស់នាងទាំងអស់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់បន្ទាប់ពីឆ្លងកាត់ការប្រកួតយ៉ាងស្វិតស្វាញ និងវគ្គជម្រុះជាច្រើនខែកន្លងមកនោះ គឺ បានរកឃើញម្ចាស់មកុដបវរកញ្ញា Miss Universe Cambodia 2023 កាលពីរាត្រីថ្ងៃទី ០៧ ខែកញ្ញា ឆ្នាំ ២០២៣ ដែលបានទៅលើ កញ្ញា ចន សុទីម៉ា Miss Universe Cambodia តំណាងខេត្តកំពង់ចាម។

ភាពជោគជ័យនេះបានធ្វើឲ្យសាមីខ្លួន កញ្ញា ចន សុទីម៉ា សម្ដែងនូវការរំភើបខ្លាំង បន្ទាប់ពីក្តីបំណងរបស់នាងត្រូវបានសម្រេចជាថ្មីក្នុងវិស័យបវរកញ្ញា ខណៈបានលះបង់ពេលវេលាជាច្រើនខែកន្លងមកនេះ។ កញ្ញា ចន សុទីម៉ា បានថ្លែងអារម្មណ៍របស់ខ្លួនថា «នាងខ្ញុំ សូមអរគុណយ៉ាងជ្រាលជ្រៅចំពោះការគោរពស្រលាញ់គាំទ្រ ជាពិសេសការលើកទឹកចិត្តពីអ្នកមានគុណរបស់កូនទាំងពីរ និងពុកម៉ែបងប្អូនទាំងអស់គ្នា»។

កញ្ញា ចន សុទីម៉ា បញ្ជាក់ថា នាងទទួលបានការស្រលាញ់ និងលើកទឹកចិត្តជាច្រើន។ នាងពិតជាមានមោទនភាពណាស់ដែលបានកើតជាប្រជាជនកម្ពុជា ហើយមានអ្នកទាំងអស់គ្នាជាកម្លាំងចិត្តដ៏ធំក្រៃលែង។ ជាចុងក្រោយ នាងសូមអរគុណដល់ប្រជាជនកម្ពុជាទាំងអស់ដែលតែងតែគាំទ្រនាងនៅលើដំណើរមួយនេះ។

សូមបញ្ជាក់ដែរថា កញ្ញា ចន សុទីម៉ា ក្រោយក្លាយជាម្ចាស់មកុដបវរកញ្ញាចក្រវាលកម្ពុជា (Miss Universe Cambodia 2023) នាងនឹងត្រូវត្រៀមខ្លួនបំពេញភារកិច្ចដោយតំណាងឲ្យប្រទេសកម្ពុជាក្នុងការប្រកួត Miss Universe លើកទី ៧២ នៅឯប្រទេស El Salvador នាខែវិច្ឆិកា ឆ្នាំ ២០២៣ ខាងមុខនេះ៕

អត្ថបទ ៖ ចាន់រ៉ា