ជីវិតកម្សាន្ដ

ឈីន រតនៈ រំជួលចិត្តអាណិតក្មេងស្រីម្នាក់ ក្រោយដឹងស្ថានភាពគ្រួសារលំបាកខ្លាំង

បានផុស

១ year មុន

នៅ

ថ្ងៃសៅរ៍ ៩ កញ្ញា ២០២៣

ដោយ

តារាចម្រៀងវ័យក្មេងកញ្ញា ឈីន រតនៈ កាលពីថ្មីៗនេះ បានប្រកាសស្វែងរកអាស័យដ្ឋានរបស់ក្មេង ស្រីម្នាក់ ក្រោយនាងបានជួបនៅក្នុងកម្មវិធីប្រគំតន្ត្រីមួយ។ យ៉ាងណាទីបំផុត ឈីន រតនៈ បានសម្រេចបំណង ដោយបានស្វែងរក និងទៅដល់ផ្ទះក្មេងស្រីរូបនេះដូចបំណង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឈីន រតនៈ បានប្រាប់ឲ្យដឹងតាមសារអេឡិចត្រូនិកថា នាងបានជួបក្មេងស្រីដែលជាម្ចាស់កាដូរតុក្កតា កាលពីថ្ងៃមុនហើយ។ ក្នុងនោះ នាង ក៏បានយកកាដូរ និងថវិកាខោអាវបន្តិចបន្តួចមកចែករំលែកក្តីស្រលាញ់ជាមួយក្មេងស្រីខាងលើដែរ។ ក្មេងស្រីរូបនេះ មានឈ្មោះ ស្រីនឿន។ ហើយនៅពេលដែលនាងបានមកជួប ស្រីនឿន ផ្ទាល់ ទើបដឹងថាជីវភាពរបស់គ្រួសារគាត់លំបាកខ្លាំងណាស់។

កញ្ញា ឈីន រតនៈ បានបញ្ជាក់ថា «នៅពេលដែលឃើញជើងរបស់ប្អូនស្រី ខ្ញុំរំជួលចិត្តខ្លាំងណាស់ ជើងរបស់ប្អូនស្រីជួបគ្រោះថ្នាក់ចរាចរណ៍ត្រូវអបដែករហូត គាត់មិនមានថវិកាក្នុងការដោះដែកចេញទេ គាត់ដើរសុំលុយគេតាមផ្សារ ជួនកាលបេះបន្លែលក់បន្តិចបន្តួចទាំងជើងលានដែកចេញក្រៅ រីឯផ្ទះប្រក់ស័ង្កសីទ្រុឌទ្រោម និងមានបងប្អូនចំនួន ៥ នាក់ ប្អូនស្រីគរទៀត សុទ្ធតែលំបាក និងមានម្ដាយលោកចាស់ជរាផងដែរ»។

តារាចម្រៀង ឈីន រតនៈ បាននិយាយបន្តថា «ក្មេងស្រីរូបនេះ គាត់មានទីលំនៅស្រុកគីរីវង់ ក្បែរផ្សារទន្លាប់ ខេត្តតាកែវ នាងខ្ញុំសូមអំពាវនាវដល់ពុកម៉ែបងប្អូនសប្បុរសជនទាំងអស់ សូមជួយគាត់ផង តាមសទ្ធាបន្តិចបន្តួច ដើម្បីឲ្យគាត់បានព្យាបាលជើងគាត់ផង»។ ក្នុងនោះដែរ ក៏មានការបញ្ជាក់បន្ថែមថា គោលបំណងក្នុងព័ត៌មានមួយនេះ គឺពិតជាស្នើសុំជំនួយទៅដល់សប្បុរសជនរូបណាដែលមានចិត្តចង់ឧបត្ថម្ភដល់ប្អូនស្រីបន្ថែមទៀត៕

អត្ថបទ ៖ ចាន់រ៉ា