តារាចម្រៀង Adele ត្រៀមចាប់អាជីពក្នុងវិស័យអប់រំ ក្រោយឈប់ពីសិល្បៈ

តារាចម្រៀងជនជាតិអង់គ្លេស Adele ចង់ចាប់អាជីពជាគ្រូបង្រៀន បន្ទាប់ពីឈប់ពីសិល្បៈ ដែលនេះមិនមែនត្រឹមតែជាក្ដីស្រមៃរបស់នាងនាពេលអនាគតប៉ុណ្ណោះទេ ប៉ុន្តែវាជាបំណងប្រាថ្នាតាំងពីនាងមិនទាន់ចូលខ្លួនក្នុងពិភពកម្សាន្តមកម្ល៉េះ។

កំពូលតារាវ័យ ៣៥ឆ្នាំ ដែលទទួលជោគជ័យយ៉ាងខ្លាំងនៅក្នុងឧស្សាហកម្មតន្ត្រី ចាប់តាំងពីការចេញផ្សាយអាល់ប៊ុមដំបូង “19” កំលុងឆ្នាំ២០០៨ ​បានទម្លាយពុំលាក់លៀមថា បើ​នាង​មិន​មែន​ជា​អ្នក​ចម្រៀង​ទេ នាង​​ធ្វើ​ជា​គ្រូ​បង្រៀន​ភាសា​អង់គ្លេស​នៅ​អនុវិទ្យាល័យ។

ថ្លែងនៅលើឆាកក្នុងអំឡុងពេលប្រគំតន្ត្រីចុងសប្តាហ៍ នៅក្នុងទីក្រុង Las Vegas ម្ចាស់បទ “Hello” និយាយថា ខ្លួនស្រឡាញ់ក្មេងជំទង់ ហើយចង់បង្រៀនភាសាអង់គ្លេសដល់ពួកគេ ក្រោយពេលចូលនិវត្តន៍ពីសិល្បៈ។ មិនតែប៉ុណ្ណោះ នាងបង្ហើបថា កំពុងពិចារណាចូលរៀន​បរិញ្ញាបត្រអក្សរសាស្ត្រ​អង់គ្លេស នៅចុងឆ្នាំនេះទៀតផង៕

ប្រែសម្រួល៖ សន្យា

ចុចអាន៖ Adele ធ្លាប់​ធ្វើ​ការ​ព្យាបាល​ផ្លូវចិត្ត ​៥ ​ដង​ក្នុង​មួយ​ថ្ងៃ​ បន្ទាប់​ពី​លែងលះជាមួយជាមួយ​អតីត​ស្វាមី

ចុចអាន៖ តួឯកប្រុសរឿង “Captain America” ដឹកដៃមិត្តស្រីវ័យក្មេងជាង ១៦ឆ្នាំ រៀបការយ៉ាងស្ងប់ស្ងាត់