ជីវិតកម្សាន្ដ

តារាកូនកាត់ខ្មែរ-ថៃ ណា សាឌី ប្រកាសត្រៀមចូលប្រឡង Miss Grand Cambodia 2024

បានផុស

១ year មុន

នៅ

ថ្ងៃអង្គារ ១២ កញ្ញា ២០២៣

ដោយ

តារាសម្ដែង និងជាពិធីការិនីរូបស្រស់កូនកាត់ខ្មែរ-ថៃ ណា សាឌី បានធ្វើឲ្យអ្នកគាំទ្រចាប់អារម្មណ៍ និងត្រេកអរគ្រប់គ្នា បន្ទាប់ពីតារាស្រីរូបនេះ សម្រេចចិត្តប្រកាសត្រៀមខ្លួនចូលប្រឡងកម្មវិធី Miss Grand Cambodia 2024 នាពេលខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទំព័រហ្វេសប៊ុក Na Sady Fan Club បានបញ្ជាក់ឲ្យដឹងថា ពិធីការិនីកញ្ញា ណា សាឌី បានសម្រេចចិត្តច្បាស់លាស់ហើយ ដើម្បីត្រៀមខ្លួនចូលប្រកួតកម្មវិធី Miss Grand Cambodia 2024។

ប្រភពបានលើកឡើងថា «ជាផ្លូវការ ១០០ បង សាឌី នឹងចូលរួមប្រកួតក្នុងកម្មវិធី Miss Grand Cambodia 2024»។ ប្រភពបន្តថា «ណា សាឌី និយាយថាមិនមែនមកដើម្បីតែបានមកទេ ត្រៀមច្រើនណាស់ការដើរ ការរាំ ការច្រៀង ការរៀនភាសាបន្ថែម ការហាត់ប្រាណ ត្រៀមរួចតាំងពី Team ប្រចាំខ្លួន អ្នកផាត់មុខ អ្នកកាត់ឈុត evening gown អ្នកកាត់ឈុតតំណាងជាតិ។ មកុដអត់ឥឡូវ ព្រោះ សាឌី ប្រាប់កូនៗថា មកដើម្បីមកុដ ដើម្បីបានទៅតំណាងប្រទេសកម្ពុជានៅលើឆាកអន្តរជាតិ»។

ប្រភពបានបន្ថែមទៀតថា «សាឌី គាត់បានត្រៀមខ្លួនរួចជាស្រេចលើសមរភូមិមួយនេះ ទោះបីជាឆ្នាំដំបូងក៏ដោយ។ សាឌី ថា ស្គាល់ game នេះច្បាស់ ព្រោះសិក្សាមកយូរហើយ។ ផ្ញើម៉ាក់ NASA ទុកក្នុងបេះដូងផងណាកូនៗ….»។ តាមរយៈដំណឹងនេះ ក៏បានធ្វើឲ្យអ្នកគាំទ្រនាងមួយចំនួនសម្ដែងការអបអរ និងលើកទឹកចិត្តផងដែរ។

សូមជម្រាបដែរថា តារាស្រីកញ្ញា ណា សាឌី គឺជាកូនកាត់ដែលមានម្ដាយជាជនជាតិខ្មែរ ចំណែកឯឪពុកជាជនជាតិថៃ។ ហើយកញ្ញា ណា សាឌី បច្ចុប្បន្នក៏ជាពិធីការិនី និងតារាសម្ដែង កំពុងទទួលបានការគាំទ្រច្រើនពីសំណាក់មហាជន ពិសេសបើនិយាយពីការងារវិញ នាងពិតជាមានភាពមមាញឹកច្រើន៕

អត្ថបទ ៖ ចាន់រ៉ា