Connect with us

ជីវិតកម្សាន្ដ

សុខ រ៉ាស៊ី សោកស្ដាយ ក្រោយផ្ទុះព័ត៌មាន ប៊ុត សីហា ត្រូវប៉ូលិសចាប់ខ្លួនពាក់ព័ន្ធគ្រឿងញៀន

បានផុស

នៅ

ពិធី​ករ​ល្បីឈ្មោះ​លោក សុខ រ៉ាស៊ី បាន​សម្ដែង​ការ​ហួស​ចិត្ត​ខ្លាំង បន្ទាប់ពី​មាន​ការ​ចុះផ្សាយ និង​ចែក​រំលែក​ព័ត៌មាន​ដ៏​ភ្ញាក់ផ្អើល​ពី​អតីត​ម្ចាស់​ជ័យលាភី​លេខ ១ កម្មវិធី​ប្រឡង​ចម្រៀង «The Voice Cambodia» លោក ប៊ុត សីហា និង​បក្ខពួក​ម្នាក់ទៀត ត្រូវ​បាន​កម្លាំង​នគរបាល​ស្រុក​គងពិសី​ឃាត់ខ្លួន​ពាក់ព័ន្ធ​គ្រឿងញៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈ​ដំណឹង​នេះ​បាន​ធ្វើ​ឲ្យ​មហាជន និង​អ្នកគាំទ្រ​ជាច្រើន ចាប់​អារម្មណ៍ ហើយ​បង្ហាញ​ការ​ហួសចិត្ត​គ្រប់គ្នា ខណៈ​នេះ​ជា​លើក​ទី ២ ដែល​តារា​ចម្រៀង ប៊ុត សីហា ត្រូវ​បាន​ប៉ូលិស​ចាប់ខ្លួន​ពាក់ព័ន្ធ​ករណី​គ្រឿងញៀន។

លោក សុខ រ៉ាស៊ី ពិធីករ​ល្បីឈ្មោះ​នៅ​ផលិតកម្ម​ហង្ស​មាស ក្រៅពី​សម្ដែង​ក្ដី​ហួសចិត្ត លោក​បាន​បញ្ចេញ​ទស្សនៈ​ផ្ទាល់ខ្លួន​ដោយ​បង្ហាញ​ការ​សោកស្ដាយ​ថា “​ហេតុ​អ្វី​អូន​មិន​ព្រម​កែខ្លួន? បាន​ត្រឹមតែ​អាណិត ព្រោះ​រាល់ថ្ងៃ​អ្នកមាន​សមត្ថភាព​ច្រើន​កំពុង​ខិតខំ​ទាំង​យប់​ទាំង​ថ្ងៃ​ក្រែង​មាន​វាសនា និង សំណាង ក្លាយ​ជា​ម្ចាស់​ពាន​ដូច​អូន គ្រឿងញៀន​បំផ្លាញ​អនាគត!”។

សូម​ជម្រាប​ថា បើ​យោង​តាម​ប្រភព​ព័ត៌មាន​បាន​ឲ្យ​ដឹង​ថា តារា​ចម្រៀង​លោក ប៊ុត សីហា រួម​នឹង​បក្ខពួក​ម្នាក់​ទៀត​ឈ្មោះ​ ឆន វល្លិន ភេទ​ប្រុស អាយុ ៣៨ ឆ្នាំ មុខរបរ​មិន​ពិតប្រាកដ រស់នៅ​ភូមិ​ត្រាំខ្នា ឃុំ​ស្នំ​ក្រពើ ស្រុក​គងពិសី ត្រូវ​បាន​កម្លាំង​នគរបាល​ស្រុក​គងពិសី ខេត្ត​កំពង់ស្ពឺ ឃាត់ខ្លួន​នៅ​វេលា​ម៉ោង​ប្រមាណ ៤ រសៀល ថ្ងៃ​ទី ១២ ខែ​កញ្ញា ឆ្នាំ ២០២៣ នេះ ស្ថិត​នៅ​ចំណុច​ភូមិ​ត្រាំខ្នា ឃុំ​ស្នំ​ក្រពើ ស្រុក​គងពិសី ខេត្ត​កំពង់ស្ពឺ។

ការ​ឃាត់ខ្លួន​នេះ​បន្ទាប់ពី​កម្លាំង​នគរបាល​ធ្វើការ​ល្បាត​តាម​មូលដ្ឋាន​ក៏​ប្រទះឃើញ​ជនសង្ស័យ​ទាំង ២ នាក់​នេះ រួច​ក៏​ហៅ​សួរនាំ ស្រាប់តែ​រក​ឃើញ និង​ដកហូត​បាន​ម្សៅ​ក្រាម​ពណ៌​ស​ថ្លា សង្ស័យ​ជា​គ្រឿងញៀន ចំនួន ០៥ កញ្ចប់ ក្នុង​នោះ ០៣ តូច និង ០២ មធ្យម និង​ឧបករណ៍​ប្រើប្រាស់​គ្រឿងញៀន​មួយ​ចំនួន​ទៀត៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣៤ វិនាទី មុន

របាយការណ៍​ចុង​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានអន្ដរជាតិ៤៥ នាទីutes មុន

គណៈរដ្ឋមន្ត្រីថៃអនុម័ត​ បុណ្យបណ្តែត​​កន្ទោង​​ ក្នុងបញ្ជីភណ្ឌវប្បធម៌អរូបីរបស់យូណេស្កូ

ព័ត៌មានអន្ដរជាតិ១ ម៉ោង មុន

មីយ៉ាន់ម៉ា​​សុខចិត្ត​ដោះលែង​អ្នក​ទោស​នេសាទ​ថៃ​៤នាក់​ ក្រោយសម្របសម្រួល​ជិតកន្លះឆ្នាំ​​

ព័ត៌មានអន្ដរជាតិ៩ ម៉ោង មុន

​រូប​ភាព​រលំបាក់​អគារ​គួររន្ធត់​នៅថៃ ប៉ុន្តែ​​អាជ្ញាធរ​​បញ្ជាក់ថា​ ចំនួន​អ្នកស្លាប់​មាន៩នាក់​ដល់​ពេលនេះ​

ព័ត៌មានអន្ដរជាតិ៩ ម៉ោង មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

Sokha Hotels

ព័ត៌មានពេញនិយម