ជីវិតកម្សាន្ដ

ព្រះកាយ ច័ន្ទ ប្រកាសចូលប្រកួត Miss Grand ជាឆ្នាំចុងក្រោយ នៃអាយុកំណត់

បានផុស

១ year មុន

នៅ

ថ្ងៃពុធ ១៣ កញ្ញា ២០២៣

ដោយ

ព្រះកាយ ច័ន្ទ ថ្វីត្បិតបច្ចុប្បន្នកំពុងដើរលើអាជីពជាតារាសម្ដែងដែលទទួលបានការគាំទ្រពីមហាជនច្រើនហើយពិតមែន តែនាងនៅតែមិនបោះបង់ឱកាសនៅលើវិថីសិល្បៈឡើយ ខណៈកាលពីថ្មីៗកន្លងទៅ ស្រីស្អាតរូបនេះ បានបង្ហាញខ្លួនក្នុងកម្មវិធីប្រឡងចម្រៀងលំដាប់ថ្នាក់ពិភពលោកមួយ ប៉ុន្តែកាលនោះមិនទទួលលទ្ធផលល្អទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែករឿងដែលអ្នកគាំទ្រចាប់អារម្មណ៍ថែមទៀត ស្រាប់តែមុននេះ ស្រីស្អាត ព្រះកាយ ច័ន្ទ បានបង្ហើបពីបំណងចូលរួមប្រកួតក្នុងកម្មវិធីប្រឡងបវរកញ្ញា Miss Grand Cambodia 2024 នាពេលខាងមុខនេះ។ ដំណឹងនេះ បានធ្វើឲ្យអ្នកគាំទ្រសម្ដែងការគាំទ្រ និងជូនពរនាងឲ្យសម្រេចក្ដីបំណងក្នុងការប្រឡងមួយនេះ។

នៅលើទំព័រហ្វេសប៊ុក beauty pageant reviewer បានបញ្ជាក់ថា «ព្រះកាយ ច័ន្ទ ប្រកាសនឹងចូលរួមប្រកួតបវរកញ្ញា Miss Grand Cambodia នៅក្នុងអាយុ ២៨ ឆ្នាំ ដែលជាឆ្នាំចុងក្រោយ នៃអាយុកំណត់(មានតែពាក្យថាល្បី និងល្បីហើយ Grand ឆ្នាំ ២០២៤)។ ចំណែកឯសាមីខ្លួន ព្រះកាយ ច័ន្ទ ក៏បានបង្ហាញតម្រុយដូចគ្នាក្នុងការត្រៀមខ្លួនចូលប្រកួតផងដែរ។

សូមបញ្ជាក់ថា ព្រះកាយ ច័ន្ទ បានចូលប្រឡូកវិស័យសិល្បៈនាអំឡុងឆ្នាំ ២០១១ ខណៈទស្សនិកជនស្គាល់នាងដំបូងតាមរយៈការធ្វើជាពិធីការិនី និងសម្ដែងភាពយន្តជាច្រើនរួមមាន ៖ “ផ្ការីកក្នុងចិត្ត”និងរឿង”ភ្លើងព្យាបាទ” ជាដើម។ បច្ចុប្បន្ន ព្រះកាយ ច័ន្ទ ក៏កំពុងមមាញឹកការងារនៅសាលាសិល្បៈផ្ទាល់ខ្លួនដែលនាងបើកបង្រៀនក្មេងៗជំនាន់ក្រោយនៅលើអាជីពសិល្បៈស្ទើរគ្រប់ទម្រង់៕

អត្ថបទ ៖ ចាន់រ៉ា