ជីវិតកម្សាន្ដ

ឌួង ហ្សូរីដា ថា អស់សំណាង ក្រោយបាត់បង់ម្ដាយ និងកំព្រាឪពុកជិត ២៤ ឆ្នាំ

បានផុស

១ year មុន

នៅ

ថ្ងៃពុធ ១៣ កញ្ញា ២០២៣

ដោយ

អ្នកម្ដាយជាទីស្រលាញ់របស់តារាសម្ដែង និងជាពិធីការិនីល្បីឈ្មោះកញ្ញា ឌួង ហ្សូរីដា គិតមកដល់ ពេលនេះ បានចែកឋានមានរយៈពេលប្រមាណជាង ៤ ខែ មកហើយ ប៉ុន្តែក្ដីនឹករលឹកចំពោះអ្នកម្ដាយ គឺ ហ្សូរីដា នៅតែមានជានិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតថ្វីត្បិតអ្នកម្តាយ-លោកឪពុកបានចែកឋានទៅហើយក្ដី តែសម្រាប់តារាស្រី ឌួង ហ្សូរីដា នៅតែបង្ហាញការឈឺចាប់ និងបង្ហោះខ្លឹមសារត្អូញត្អែរនឹកដល់លោកមានគុណទាំងពីរដោយមិនទាន់មានក្តីរំសាយចិត្ត ឬ បំភ្លេចបាន។ ហេតុផលនេះ ទើប ឌួង ហ្សូរីដា បានបញ្ជាក់ថា អារម្មណ៍នាងតែលតោលខ្លាំងណាស់ ក្រោយបាត់បង់ម្ដាយ និងកំព្រាឪពុកជិត ២៤ ឆ្នាំ។

ពិធីការិនីកញ្ញា ឌួង ហ្សូរីដា បង្ហោះភ្ជាប់ខ្លឹមសារមួយដែលបានលើកឡើងថា «ព្រោះមានម៉ែនៅឈរចាំពីក្រោយទើបរឿងជាច្រើនខ្ញុំអាចឆ្លងវាមកបាន អ្នកដែលនៅមានម៉ែគឺសំណាងល្អបំផុតហើយ»។

ឌួង ហ្សូរីដា បញ្ជាក់ថា «ប៉ុន្តែពួកខ្ញុំអស់សំណាងហើយ កំព្រាឪពុកជិត ២៤ ឆ្នាំ ឥឡូវបាត់បង់ម្ដាយទៀត អារម្មណ៍ពិតជាតែលតោលខ្លាំងណាស់»។

គួររម្លឹកថា ពិធីការិនី ឌួង ហ្សូរីដា នាងបាត់បង់ម្ដាយជាទីស្រលាញ់របស់ខ្លួន ដោយលោកស្រី យ៉ាលីន សុខលីម បានទទួលមរណភាពកាលពីថ្ងៃទី ០១ ខែឧសភា ឆ្នាំ ២០២៣ ដោយសារតែជំងឺមហារីក។ កន្លងមក ឌួង ហ្សូរីដា តែងបាននាំម្ដាយចេញទៅព្យាបាលនៅប្រទេសថៃអស់រយៈពេលជាច្រើនឆ្នាំមកហើយ។ លោកស្រី យ៉ាលីន បានកើតជំងឺកាចសាហាវ(មហារីក) នាអំឡុងចុងឆ្នាំ ២០១៨ តែពេលនោះ ហ្សូរីដា ព្យាបាលម្ដាយទាន់ពេលវេលា ទើបលោកស្រីអាចរស់នៅជាមួយកូនៗជាង ៥ ឆ្នាំទៀត ក៏ទទួលមរណភាពក្នុងអាយុ ៦០ ឆ្នាំ ដែលធ្វើឲ្យ ហ្សូរីដា និងប្អូនស្រីទាំងពីររបស់នាង ត្រូវកំព្រាម្ដាយជារៀងរហូត៕

អត្ថបទ ៖ ចាន់រ៉ា