ជីវិតកម្សាន្ដ

ភ្ញៀវដែលចូលរួមមង្គលការ Mark-Kim សុខចិត្តកាន់ឆត្រញាំអាហារទាំងទទឹកភ្លៀង

បានផុស

១ year មុន

នៅ

ថ្ងៃព្រហស្បតិ៍ ១៤ កញ្ញា ២០២៣

ដោយ

ពិធីមង្គលការរបស់គូស្នេហ៍ Mark Prin និងមិត្តស្រី Kimberly កំពុងតែប្រព្រឹត្តទៅយ៉ាងរលូន នៅថ្ងៃទី ១៤ ខែកញ្ញា ឆ្នាំ២០២៣ ហើយគូស្នេហ៍នេះបានប្រារព្ធពិធីនៅបឹង Lake Como ប្រទេសអ៊ីតាលី ដែលជាទីតាំងក្នុងក្តីស្រមៃរបស់ខាងស្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងព្រឹត្តិការណ៍នេះ មានការចូលរួមយ៉ាងកក់ក្ដៅពីសំណាក់ក្រុមគ្រួសារ និងមិត្តភ័ក្ដិជិតស្និតរបស់អ្នកទាំងពីរ។ ជាពិសេសនោះថែមទៀត ក្រុមមិត្តរបស់ Kimberly សុខចិត្តជិះយន្តហោះទៅមុនកម្មវិធី ដើម្បីត្រៀមខ្លួនអបអរមិត្តសំឡាញ់របស់ពួកគេ។

មិត្តភក្តិដែលបានចូលរួមក្នុងពិធីនោះ បានថតរូបបរិយាកាសក្នុងពិធីមង្គលការដើម្បីបង្អួតទស្សនិកជននិងអ្នកផ្សេងទៀតដែលមិនបានចូលរួម។ តាមរយៈរូបភាពក្នុងកម្មវិធីគេឃើញកូនក្រមុំ និងកូនកំលោះពោរពេញដោយស្នាមញញឹមរីករាយនឹងថ្ងៃមង្គលរបស់ខ្លួន។ ប៉ុន្តែមិនទាន់បានប៉ុន្មានផង នៅសុខៗភ្ញៀវស្រាប់តែឈូឈរ ដោយសារតែភ្លៀងបានធ្លាក់ខ្លាំងនៅក្នុងថ្ងៃនោះ។

យ៉ាងណាមិញ មិនជាបញ្ហាដុំកំភួនសម្រាប់ភ្ញៀវដែលមកចូលរួមកម្មវិធីគូស្នេហ៍ Mark Prin និង Kimberly ឡើយ។ប្រការនេះបានធ្វើឲ្យភ្ញៀវយកឆ័ត្រមកបើក ពេលកំពុងអង្គុយលើតុ ប៉ុន្តែគ្រប់គ្នាបានប្រយុទ្ធយ៉ាងស្វិតស្វាញ ហើយមិនក្រោករត់គេចខ្លួនទៅណាចោលម្ចាស់កម្មវិធីឡើយ។

ទោះយ៉ាងណាក៏ដោយ កន្លងមក Kimberly ធ្លាប់បង្ហាញអារម្មណ៍ប្រាប់អ្នកគាំទ្រថា នាងតានតឹងខ្លាំងរហូតយំ ព្រោះតែខ្លាចភ្លៀងនៅថ្ងៃរៀបការរបស់ខ្លួន។ ត្បិតថាគេចមិនផុតពីភ្លៀងក៏ពិតមែន ប៉ុន្តែក្រោមការសាមគ្គីពីអ្នកចូលរួម ទើបធ្វើឲ្យកូនក្រមុំ និងកូនកំលោះសប្បាយចិត្ត ហើយប្រព្រឹត្តកម្មវិធីដោយរលូនវិញ៕