ក្រៅពីហូបបួស Janie សមាធិ កាន់សីល អស់ ៨ឆ្នាំហើយ

គិតមកទល់ពេលនេះ តារាសម្ដែង និងបង្ហាញម៉ូដ Janie Tienphosuwan បានរក្សាសីល ហូបបួស និងធ្វើសមាធិអស់ពេល ៨ឆ្នាំមកហើយ បំណងបង្វឹកចិត្តឱ្យស្ងប់ និងជ្រះថ្លា ព្រមទាំងយកពុទ្ធិអប់រំកូនស្រីឱ្យដើរតាមគន្លងធម៌។

ប្រិយមិត្តមួយចំនួនធ្លាប់ដឹងមកហើយ​ អ្នកម៉ាក់កូនមួយ Janie ជាតារាស្រីមួយរូបដែលវក់នឹងការហាត់ប្រាណយករាង រហូតធ្វើឱ្យតមអាហារជាច្រើនមុខ ប៉ុន្តែគ្រប់គ្នាទំនងមិនទាន់ដឹងទេថា តាមពិតនាងក៏ជាអ្នកញ៉ាំបួសម្នាក់ផងដែរ។

និយាយនៅក្នុងបទសម្ភាសន៍នាពេលថ្មីៗនេះ តារាស្រីវ័យ ៤២ឆ្នាំ ប្រាប់ថា ជាច្រើនឆ្នាំមកហើយនាងមិនញ៉ាំទឹកត្រី និងសាច់ជ្រូកនោះទេ ចំណែកសាច់មាន់ និងសាច់គោ ត្បិតថានៅបន្តញ៉ាំ ប៉ុន្តែវាជាប្រភេទអាហារដែលនាងកម្រញ៉ាំណាស់។

បន្ទាប់ដឹងការពិតមួយនេះ ប្រិយមិត្តពុំសូវជាភ្ញាក់ផ្អើលប៉ុន្មានឡើយ ប៉ុន្តែអ្វីដែលធ្វើឱ្យទស្សនិកជនមានការភ្ញាក់ផ្អើលកាន់តែខ្លាំង បន្ទាប់ពីដឹងថា នាងធ្វើសមាធិជាទៀងទាត់អស់រយៈពេល ៨ឆ្នាំមកហើយ។ ការព្យាយាមធ្វើសមាធិយូរយ៉ាងនេះ វាមិនត្រឹមតែផ្ដល់ប្រយោជន៍ដល់ Janie ផ្ទាល់នោះទេ​ នាងថាខ្លួនពិតជាមានចិត្តជ្រះថ្លា អាចធ្វើការជាច្រើនមុខក្នុងពេលតែមួយ​ ជាពិសេសអាចបង្រៀនកូនស្រីឱ្យចេះស្វែងរកព្រះធម៌ផងដែរ៕

ប្រែសម្រួល៖ សន្យា

ចុចអាន៖ ចែកផ្លូវគ្នាប៉ុន្មានសប្ដាហ៍​ Vill ទើបចេញមុខទម្លាយការពិតពីក្រោយរឿងបែកគ្នាជាមួយ​ Jes

ចុចអាន៖ រូបភាពអបអរខួបកំណើតរបស់ Janie បង្ហាញខ្លួនទាំងននោលគក