ជីវិតកម្សាន្ដ

រឿន ណាត ថា រឿងធំកើតឡើងដោយសារខ្វះការយកចិត្តទុកដាក់ មើលរំលងរឿងតូច

បានផុស

២ years មុន

នៅ

ថ្ងៃអាទិត្យ ១៧ កញ្ញា ២០២៣

ដោយ

ក្រោយបានតំណែងក្លាយជាបវរកញ្ញាចក្រវាលកម្ពុជាឆ្នាំ ២០១៨ មក ឃើញថា ទីផ្សារសិល្បៈរបស់ស្រីស្អាត រឿន ណាត កាន់តែមានភាពលេចធ្លោ រហូតត្រូវបានម្ចាស់ក្រុមហ៊ុន និងផលិតករជាច្រើន សម្លឹងឃើញ ហើយអញ្ជើញទៅថតសម្ដែង ឬ ផ្សព្វផ្សាយពាណិជ្ជកម្មជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទោះបីយ៉ាងណា ស្រីស្អាត រឿន ណាត គ្រប់សកម្មភាពនាងតែងតែបង្ហាញនូវស្នាមញញឹមប្រកបដោយភាពជឿជាក់ទៅកាន់អ្នកគាំទ្ររបស់ខ្លួន។ ម្យ៉ាងទៀតកញ្ញា រឿន ណាត ថ្វីត្បិតពេលខ្លះនាងហាក់មានការហត់នឿយពីការងារសិល្បៈ ឬ ក្នុងអាជីពផ្ទាល់ខ្លួនខាងក្រៅក្ដី តែតារាស្រីរូបនេះ តែងឆ្លៀតទម្លាយសារមានប្រយោជន៍ទៅកាន់មហាជនជានិច្ច។

អ្វីដែលកត់សម្គាល់បវរកញ្ញាចក្រវាលកម្ពុជាកញ្ញា រឿន ណាត បានលើកឡើងពីខ្លឹមសារដោយអត្ថន័យមួយដូច្នេះថា «បញ្ហាធំមួយចំនួនកើតឡើងដោយសារតែការមើលរំលងនូវបញ្ហាតូចៗកើតឡើងនៅចំពោះមុខ»។ តារាស្រី រឿន ណាត បានបញ្ជាក់ថា «រឿងធំកើតឡើងដោយសារតែយើងខ្វះការយកចិត្តទុកដាក់ និងមើលរំលងលើរឿងតូចតាចជាច្រើន»។

ប្រាកដណាស់បវរកញ្ញាឯកចក្រវាលកម្ពុជា ឆ្នាំ ២០១៨ កញ្ញា រឿន ណាត បច្ចុប្បន្នត្រូវបានអ្នកគាំទ្រសង្កេតឃើញទាំងជីវិតរស់នៅបែបឯកជនខាងក្រៅ និងក្នុងវិថីសិល្បៈ នាងហាក់មានភាពលេចធ្លោ ហើយជោគជ័យព្រមគ្នាតែម្ដង។ កត្តានេះហើយ ទើបជំរុញឲ្យអ្នកគាំទ្រ តែងលួចសរសើរបវរកញ្ញារូបនេះ។

សូមជម្រាបដែរថា កញ្ញា រឿន ណាត មួយរយៈនេះ នាងហាក់លេចធ្លោខ្លាំងលើរូបសម្ផស្សដ៏ស្រស់សោភា។ មិនតែប៉ុណ្ណោះជារឿយៗ បវរកញ្ញារូបនេះ ក៏ផ្ដើមក្លាហានហ៊ានទម្លាយនូវរូបភាពសិចស៊ីរាងស្រឡូនសម្ញែងភ្នែកមហាជនឲ្យចាប់អារម្មណ៍លើនាងគ្រប់គ្នាផងដែរ៕

អត្ថបទ ៖ ចាន់រ៉ា