ជីវិតកម្សាន្ដ

រតនៈ ពិសី ប្រកាសជូន ១ ពាន់ដុល្លារ ចំពោះអ្នកផ្ដល់ទីកន្លែងលាក់ខ្លួនបុគ្គលម្នាក់

បានផុស

១ year មុន

នៅ

ថ្ងៃចន្ទ ១៨ កញ្ញា ២០២៣

ដោយ

តារាចម្រៀងវ័យក្មេងសម្បូរសាច់ដើមទ្រូង កញ្ញា រតនៈ ពិសី ដោយអស់ភាពអត់ធ្មត់ បានប្រកាសតាមរកទីកន្លែងរស់នៅរបស់បុគ្គលម្នាក់ ដែលជំពាក់លុយជាង ៥ ម៉ឺនដុល្លារ ខណៈនាងបញ្ជាក់ថា នឹងជូន ១ ពាន់ដុល្លារ ដល់អ្នកផ្ដល់ទីកន្លែងលាក់ខ្លួនបុគ្គលរូបនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ដូចដែលមហាជន និងអ្នកគាំទ្រ បានដឹងហើយថា ដោយសារតែអស់ភាពអត់ធ្មត់ តារាចម្រៀងស្រីស្អាត រតនៈ ពិសី កាលពីថ្មីៗ កន្លងមកនេះ បានចាប់ផ្ដើមទម្លាយមុខកូនបំណុលរបស់ខ្លួនជាបន្តបន្ទាប់ ក្នុងនោះមានទាំងអ្នកសិល្បៈទៀតផង។

តួយ៉ាង កញ្ញា រតនៈ ពិសី បានប្រកាសមុននេះថា «ដីកាចេញចាប់ខ្លួនហើយ ចង់រត់ពួនដល់ណាក៏មិនរួចខ្លួនដែរ ចង់គេចមួយជីវិតមែន? ចូលមកសងលុយខ្ញុំ ខ្ញុំត្រូវសងគេដែរ បើអ្នកណារកឃើញជននេះ ខ្ញុំជូនសគុណ ១០០០ ដុល្លារ (លុយ ៥៣០០០) នៅច្រើននាក់ទៀត ចាំដីកាតុលាការខ្ញុំត្រូវការយុត្តិធម៌តាមផ្លូវច្បាប់»។

ពាក់ព័ន្ធនឹងរឿងបំណុលរាប់សិបម៉ឺនដុល្លារដែលត្រូវគេជំពាក់នេះដែរ តារាស្រី រតនៈ ពិសី បានចាត់ទុកថា ខ្លួនជាជនរងគ្រោះ ព្រោះត្រូវប្រឈមមុខចេញសងជំនួសគេ(សងជំនួសកូនបំណុល)។ រតនៈ ពិសី កន្លងមក នាងតែងបង្ហើបពីបញ្ហាជួបរឿងពិបាកចិត្តព្រោះកូនតុងទីនបោកលើសេចក្ដីទុកចិត្ត ដោយគេជំពាក់លុយរាប់សិបម៉ឺនដុល្លារមិនព្រមសង។ ម្យ៉ាងទៀតជារឿយៗ នាងបានព្រមានប្រើវិធានការផ្លូវច្បាប់ ដើម្បីដោះស្រាយចំពោះបុគ្គលទាំងនោះ។

ថ្វីត្បិតបញ្ហាបំណុលទាំងនេះកំពុងប្រឈម និងក្លាយជាបន្ទុកសម្រាប់នាងក្នុងការចេញសងជំនួសកូនបំណុលមួយចំនួនយ៉ាងនេះក្ដី ប៉ុន្តែ រតនៈ ពិសី កាលថ្មីៗមុននេះ ក៏បានប្រកាសពីការពង្រឹងស្មារតីរឹងមាំដោះស្រាយរាល់គ្រប់បញ្ហាដែលបាននិងកំពុងប្រឈមកើតឡើងចំពោះមុខដោយភាពក្លាហាន និងមានទំនួលខុសត្រូវខ្ពស់បំផុត៕

អត្ថបទ ៖ ចាន់រ៉ា