ជីវិតកម្សាន្ដ

Janie ប្រាប់អាថ៌កំបាំងផាត់មុខឲ្យរលោងស្អាត ទោះបីបែកញើសរាប់ម៉ោង

បានផុស

១ year មុន

នៅ

ថ្ងៃអង្គារ ១៩ កញ្ញា ២០២៣

ដោយ

ក្រោយឃ្លិបនៃបទសម្ភាសន៍របស់តារាសម្ដែងស្រី Janie Tienphosuwan បានចេញផ្សាយជាសាធារណៈ ភ្លាមៗវាស្រាប់តែក្លាយជានិន្នាការពេញនិយមនៅលើអ៊ីនធឺណិតយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ ដោយសារតែសម្រស់របស់នាងមានភាពភ្លឺថ្លានិងរលោងស្អាតដូចតារាស្រីៗកូរ៉េ ទើបអ្នកលេងអ៊ីនធឺណិតសម្រុកចូលទៅសួរនាំអំពីបច្ចេកទេសផាត់មុខរបស់នាងថា តើការថែរក្សាស្បែកនិងគ្រឿងសម្អាងបែបណា ទើបមានមុខមាត់ស្អាតបែបនេះ?

លើសពីនេះទៀតដែរ មនុស្សជាច្រើនបាននិយាយពីឃ្លិបសម្ភាសន៍របស់នាងកាលពីថ្ងៃមុនថា មិនបានចាប់អារម្មណ៍នឹងបញ្ហាព័ត៌មានរបស់នាងទេ។ ប៉ុន្តែមហាជនចាប់អារម្មណ៍វីដេអូ ក៏ព្រោះសម្រស់ដ៏ស្រស់ស្អាតរបស់ Janie ទាក់ភ្នែកគ្រប់គ្នាទៅវិញទេ។

យ៉ាងណាមិញ កាលពីពេលថ្មីៗនេះ Janie បានដឹងពីនិន្នាការដែលកំពុងតែល្បីរបស់ខ្លួន និងបានចេញមកដើម្បីបង្ហាញពីគន្លឹះផាត់មុខឲ្យឃើញរលោងដូចស្រីៗកូរ៉េថា ”ខ្ញុំឃើញមនុស្សជាច្រើនសួរអំពីការតុបតែងមុខរបស់ខ្ញុំកាលពីថ្ងៃមុន។ តាមពិតខ្ញុំមិនមានមូលដ្ឋានគ្រឹះច្រើនអំពីរូបរាងនេះទេ ។ ម៉្យាងទៀតការតុបតែងមុខច្រើនតង់ នឹងងាយចេញញើសវិញទេ! ជាដំបូងខ្ញុំគ្រាន់តែប្រើឡេដើម្បីចិញ្ចឹមផ្ទៃមុខឲ្យមានសំណើមនិងភ្លឺរលោង លាបឡេការពារកំដៅថ្ងៃរួចលាប concealer បន្តិច ផាត់ថ្ពាល់ លាបភ្នែក សរុបទាំងអស់ ១ម៉ោងគឺគ្រប់គ្រាន់ដើម្បីផាត់មុខ៕