Connect with us

ជីវិតកម្សាន្ដ

អេង វ៉ាណង សុំត្រឹមមានជីវិតរស់នៅមើលថែម្ដាយ និងកូន ៣ នាក់

បានផុស

នៅ

ដូចដែល​មហាជន​អ្នកគាំទ្រ​បាន​ដឹង​ហើយ​ថា តារា​សម្ដែង​អ្នកនាង អេង វ៉ាណង បច្ចុប្បន្ន​កំពុង​រួម​រឹត​ដោយ​ជំងឺ​មហារីក​ដំណាក់កាល​ទី ៣ ត្រូវ​ការ​ព្យាបាល​តាមរយៈ​ការ​ចាក់​គីមី និង​បាញ់​កាំរស្មី​សម្លាប់​មេរោគ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​ស្ថានភាព​ជំងឺ​នេះ តារា​សម្ដែង អេង វ៉ាណង ក៏​ធ្លាប់​បាន​បញ្ជាក់​ដែរ​ថា ពេលនេះ​នាង​អស់​លទ្ធភាព​ក្នុង​ការ​ព្យាបាល​ទៀត​ហើយ ខណៈ​ជំងឺ​បាន​ធ្វើ​ទុក្ខ​ខ្លាំង​លើ​រាងកាយ។ ប៉ុន្តែ​ជា​បន្តបន្ទាប់ គេ​ឃើញ​មាន​អ្នក​សិល្បៈ​មួយ​ចំនួន បាន​ឧបត្ថម្ភ​ថវិកា ដើម្បី​ជួយ​សង្គ្រោះ​ជីវិត ព្រមទាំង​ជូនពរ​តារា​រូប​នេះ ឲ្យ​ឆាប់​ជា​សះស្បើយ​ពី​ជំងឺ​ផង​ដែរ។

តាមរយៈ​កិច្ច​សម្ភាសន៍​មួយ អ្នកនាង អេង វ៉ាណង បាន​រៀបរាប់​ទាំង​ទឹកភ្នែក​ថា ពេលនេះ​នាង​មិន​ចង់​បាន​អ្វី​ក្រៅ​តែ​សុំ​ត្រឹម​មាន​ជីវិត​បន្ត​រស់នៅ​ដើម្បី​មើលថែ​ម្ដាយ និង​កូនៗ ៣ នាក់ ដែល​ត្រូវ​ឪពុក​ចុះ​ចោល​នោះ​ទេ។ នាង​បន្ត​ថា នាង​សូម​អរគុណ​ដល់​បងប្អូន​ទាំងអស់​គ្នា​ដែល​បាន​មេត្តា​សន្ដោស​ប្រណី​តែងតែ​ឧបត្ថម្ភ​ជួយ​រហូត​មកនេះ។

អេង វ៉ាណង បញ្ជាក់​ថា «ខ្ញុំ​គ្មាន​ចង់បាន​អ្វី​ទេ គឺ​នាង​ខ្ញុំ​គ្រាន់តែ​ចង់បាន​ជីវិត​រស់នៅ ដើម្បី​មើលថែ​កូន និង​ម្តាយ​ដែល​មាន​វ័យ​ចាស់ជរា អញ្ចឹង​ហើយ​ខ្ញុំ​សុំ​បន្ត​ជីវិត​រស់នៅ​ទៀត​..​ដូច្នេះ​សូម​បងប្អូន​ជួយ​ខ្ញុំ​បន្ត​ទៀត​ផង ហើយ​អរគុណ​ទឹកចិត្ត​ពុក​ម៉ែ​បងប្អូន​ទាំងអស់​គ្នា»។

តារា​សម្ដែង​អ្នកនាង អេង វ៉ាណង បាន​បញ្ជាក់​ដែរ​ថា ពេលនេះ​នាង​កំពុង​ជួប​ការ​ខ្វះខាត​ថវិកា ដើម្បី​ចេញ​ទៅ​ចាក់​គីមី និង​បាញ់​កាំរស្មី​នៅ​ប្រទេស​ថៃ ដែល​នឹង​ត្រូវ​ចេញទៅ​ឆាប់ៗ​នេះ។ អេង វ៉ាណង ក៏​ត្រូវ​ចាក់​បន្ថែម​គីមី​លើក​ទី ៥ នា​ពេល​ឆាប់ៗ ខាងមុខនេះ ដើម្បី​គម្រប់​ឲ្យ​គ្រប់​ចំនួន ៨ ដង។ ចំណែក​ឯ​ការ​បាញ់​កាំរស្មី ក៏​ត្រូវ​ធ្វើឡើង​ឲ្យ​គ្រប់​ចំនួន ២០ ដង ផង​ដែរ ខណៈ​ការ​ចំណាយ​ម្តងៗ អស់​ចំនួន​ច្រើន៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៦ នាទីutes មុន

គណៈរដ្ឋមន្ត្រីថៃអនុម័ត​ បុណ្យបណ្តែត​​កន្ទោង​​ ក្នុងបញ្ជីភណ្ឌវប្បធម៌អរូបីរបស់យូណេស្កូ

ព័ត៌មានអន្ដរជាតិ៥០ នាទីutes មុន

មីយ៉ាន់ម៉ា​​សុខចិត្ត​ដោះលែង​អ្នក​ទោស​នេសាទ​ថៃ​៤នាក់​ ក្រោយសម្របសម្រួល​ជិតកន្លះឆ្នាំ​​

ព័ត៌មានអន្ដរជាតិ៩ ម៉ោង មុន

​រូប​ភាព​រលំបាក់​អគារ​គួររន្ធត់​នៅថៃ ប៉ុន្តែ​​អាជ្ញាធរ​​បញ្ជាក់ថា​ ចំនួន​អ្នកស្លាប់​មាន៩នាក់​ដល់​ពេលនេះ​

ព័ត៌មានអន្ដរជាតិ៩ ម៉ោង មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

ព័ត៌មានជាតិ១១ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

Sokha Hotels

ព័ត៌មានពេញនិយម