ជីវិតកម្សាន្ដ

តារាកំប្លែនជនជាតិបារាំង នាយ យ៉ាន ទទួលបានឱកាសកំប្លែងជាថ្មី

បានផុស

២ years មុន

នៅ

ថ្ងៃពុធ ២០ កញ្ញា ២០២៣

ដោយ

ទីបំផុតតារាកំប្លែងជនជាតិបារាំង នាយ យ៉ាន បានឱកាសចូលលេងកំប្លែងជាថ្មីឡើងវិញហើយបន្ទាប់ ពីបាត់វត្តមានមួយរយៈធំកន្លងមកនេះ។ នាយ យ៉ាន កាលពីថ្មីៗបានផ្ទុះព័ត៌មានយ៉ាងភ្ញាក់ផ្អើលក្រោយ គេឃើញនាយដើរតាមផ្លូវនិងញ៉ាំអាហារនៅលើចិញ្ចើមផ្លូវគួរអាណិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីមានដំណឹងបែបនេះភ្លាមៗនោះ គឺមានមហាជន និងអ្នកគាំទ្របានចេញមកទទូចស្នើឱ្យនាយ ពែក មី ជួយយឹតយោងនាយ យ៉ាន សារជាថ្មីផង។ ប៉ុន្តែកាលនោះសាមីខ្លួននាយ យ៉ាន ក៏បានចេញមកឆ្លើយតបជុំ វិញព័ត៌មានដែលផ្សាយពីជីវិតលោកបងផងដែរ។

ដោយឡែកក្រោយមានការចែករំលែកព័ត៌មាននឹងដោយមានអ្នកគាំទ្រមួយចំនួនចង់ឃើញនាយយ៉ានចូល លេងកំប្លែងដើម្បីបង្កបរិយាកាសសប្បាយរីករាយជូនអ្នក ទស្សនាវិញស្រាប់តែមុននេះមានដំណឹងថា យ៉ាន ត្រូវបានកន្លែងចាស់ផ្តល់ឱកាសកំប្លែងឡើងវិញ។ យោងតាមការបង្ហោះរបស់ ពូ ណម បានបញ្ជាក់ថា“ស្វាគមន៍ការវិលមកវិញបង នាយ យ៉ាន ជួបគ្នាឆាប់ៗនេះនៅ My TV“។

គេនៅចាំច្បាស់ថានាយ យ៉ាន គឺជាជនជាតិបរទេសម្នាក់គត់បានចូលរួមសម្ដែងក្នុងក្រុមកំប្លែងនាយពែក មី មានឈ្មោះល្បីខ្លាំងនៅអំឡុងឆ្នាំ២០០៩ តែក្រោយ មកលោកក៏បានឃ្លាតឆ្ងាយពីក្រុមកំប្លែងរបស់នាយ ពែក មី ដោយឮថាលោកបានមកបម្រើការនៅក្នុងអង្គ ភាពសារព័ត៌មានមួយទទួលប្រាក់ខែច្រើន។

ប៉ុន្តែរឿងដែលគេចាប់អារម្មណ៍កាលពីថ្មីៗនេះ នាយ យ៉ាន ត្រូវបានគេឃើញស្លៀកខោចែវអង្គុយញ៉ាំបាយនៅតូបលក់អាហារតូចមួយតាមចិញ្ចើមផ្លូវហើយដើរឆ្លងផ្លូវទៅកន្លែងស្នាក់នៅវិញយ៉ាងកម្សត់។ រូបភាពនេះ ត្រូវបានគេចែកចាយបន្ដគ្នាឡើងព្រោងព្រាតតាមបណ្ដាញសង្គមហ្វេសប៊ុក និងតិកតុក៕

អត្ថបទ៖ ចាន់រ៉ា