ជីវិតកម្សាន្ដ

យ៉ែម សំអូន ស្រក់ទឹកភ្នែក ក្រោយមើលវីដេអូដំណើរជីវិតក្នុងឆ្នាំ ១៩៩៥

បានផុស

១ year មុន

នៅ

ថ្ងៃព្រហស្បតិ៍ ២១ កញ្ញា ២០២៣

ដោយ

តារាចម្រៀងជើងចាស់ដែលបច្ចុប្បន្នកំពុងឱបឈ្មោះជាពោះម៉ាយលោក យ៉ែម សំអូន សុខៗ ស្រាប់តែទម្លាយអារម្មណ៍នឹកឃើញរឿងអតីតកាលជិត ៣០ ឆ្នាំមុន ខណៈលោកនិយាយថា ចាប់ផ្ដើមស្រក់ទឹកភ្នែកក្រោយបានមើលវីដេអូ នៃដំណើរជីវិតក្នុងឆ្នាំ ១៩៩៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រម្លឹកដល់រឿងអតីតកាលកាលពីឆ្នាំ ១៩៩៥ លោក យ៉ែម សំអូន បញ្ជាក់ថា កាលនោះទើបតែមានអាយុ ១៩ ឆ្នាំ ស្របពេលលោកបានតស៊ូដើរលើវិថីសិល្បៈ និងជីវិតដ៏វែងឆ្ងាយ។ ក្នុងនោះ លោក យ៉ែម សំអូន ក៏បានបង្ហោះភ្ជាប់ជាមួយវីដេអូចម្រៀងដែលច្រៀង និងសម្តែងរួមគ្នាជាមួយតារាចម្រៀងស្រី គឹម លក្ខិណា។

លោក យ៉ែម សំអូន បានបញ្ជាក់ពីអារម្មណ៍លោកថា«ក្រោយពីបានមើលរូបភាពវីដេអូនេះហើយ ហេតុអ្វីក៏ទឹកភ្នែកខ្ញុំហូរមកអ៊ីចឹង …នឹកម៉ែ ក្មេងស្រុកស្រែម្នាក់ ក្នុងវ័យ ១៩ ឆ្នាំ នាឆ្នាំ ១៩៩៥ នៃដំណើរជីវិតដ៏វែងឆ្ងាយរបស់ ខ្ញុំ ឱ….! ការងារដ៏កម្សត់របស់ខ្ញុំអើយ រូបភាពដែលកម្រ»។ យ៉ាងណាថ្វីត្បិតតែមានវ័យជ្រេបន្តិច លោក យ៉ែម សំអូន នៅតែរក្សាសំឡេងច្រៀងបានពីរោះដដែល។

ជាមួយគ្នានេះ គេសង្កេតឃើញថា លោក យ៉ែម សំអូន អំឡុងពេលមួយរយៈចុងក្រោយនេះ កាក់កបខ្លាំងជាមួយនឹងការកើបលុយពីវិថីសិល្បៈ។ មិនតែប៉ុណ្ណោះ លោក យ៉ែម សំអូន ក៏ត្រូវបានគេចាត់ទុកថាជាតារាជើងចាស់ដែលរក្សាបានប្រជាប្រិយភាពខ្លាំងទៀតផង៕

អត្ថបទ ៖ ចាន់រ៉ា