Rosé ជាសមាជិក BLACKPINK តែម្នាក់គត់ ដែលបន្តកុងត្រាជាមួយ YG

តារាចម្រៀង Rosé (Roseanne Park) នឹងក្លាយជាសមាជិក BLACKPINK តែម្នាក់គត់ដែលបន្តកុងត្រាថ្មីក្នុងផលិតកម្ម YG Entertainment បន្ទាប់ពីតារាចម្រៀង Kim Jennie តារាចម្រៀង Kim Jisoo និងតារារ៉េប Lalisa សម្រេចចិត្តបញ្ចប់កិច្ចសន្យាជាផ្លូវការ។

ជាមួយគ្នានោះ ប្រព័ន្ធផ្សព្វផ្សាយ Koreaboo បានឱ្យដឹងថា សមាជិក BLACKPINK នឹងចុះហត្ថលេខាជាមួយផលិតកម្មផ្សេង ដោយមិនពាក់ព័ន្ធជាមួយ YG ឡើយ។

នៅក្នុងរបាយការណ៍នាថ្ងៃទី២១ ខែកញ្ញា ឆ្នាំ២០២៣ ប្រភពពី Sports Seoul បញ្ជាក់ថា Rosé បានបន្តកិច្ចសន្យារបស់នាងជាមួយ YG Entertainment ចំណែកសមាជិក​ផ្សេង​ទៀត​រួមមាន Jisoo, Jennie, និង Lisa នឹង​ចុះកិច្ចសន្យាជាមួយផលិតកម្មដាច់ដោយឡែក។

ដោយឡែករបាយការណ៍ពី YG Entertainment ទម្លាយថា បច្ចុប្បន្នខ្លួនកំពុងចរចារលើកិច្ចព្រមព្រៀងកូនកាត់មួយជាមួយសមាជិក ៣នាក់ផ្សេងទៀត ដើម្បីឱ្យពួកគេបន្តជាសមាជិក BLACKPINK ដោយសមាជិកទាំងអស់ធ្វើការឱ្យផលិតកម្មត្រឹមតែ ៦ខែប៉ុណ្ណោះ ក្នុងមួយឆ្នាំ៕

ប្រែសម្រួល៖ សន្យា

ចុចអាន៖ សមាជិក BTS ទាំងអស់នឹងបន្តកុងត្រាជាមួយ HYBE ខណៈ Suga ចូលបំពេញកាតព្វកិច្ចយោធាចុងសប្ដាហ៍នេះ

ចុចអាន៖ មុនក្លាយជាតារា K-pop តារារ៉េប Lisa ធ្លាប់សម្ដែងក្នុងរឿងភាគថៃ