មេធំផលិតកម្មរបស់ក្រុម BLACKPINK ប្រឈមជាប់ពន្ធនាគារ ៣ឆ្នាំ

ស្ថាបនិកផលិតកម្ម YG Entertainment ដែលជាទ្រនំរបស់ក្រុមចម្រៀង BLACKPINK លោក Yang Hyun Suk កំពុងប្រឈមមុខនឹងការជាប់ពន្ធនាគាររយៈពេល ៣ ឆ្នាំ ពាក់ព័ន្ធរឿងក្ដីគ្រឿងញៀន។

នៅថ្ងៃទី២៧ ខែកញ្ញា ឆ្នាំ២០២៣ ស្ថាបនិកផលិតកម្ម YG បានចូលរួមក្នុងសំណុំរឿងរបស់តុលាការដើម្បីការពារខ្លួនគាត់ប្រឆាំងនឹងការចោទប្រកាន់ថា គាត់បានគំរាមកំហែងសាក្សីក្នុងអំឡុងពេលកើតរឿងអាស្រូវគ្រឿងញៀន។

ក្រោយការបង្ហាញខ្លួន ក្រុម​រដ្ឋ​អាជ្ញា​បាន​ស្នើ​ឲ្យ​លោក Yang Hyun Suk នាយក​ប្រតិបត្តិ YG Entertainment ទទួល​​ការ​កាត់​ទោស​រយៈ​ពេល​ ៣ ​ឆ្នាំនៅក្នុងបន្ទីរឃុំឃាំង។ នេះ​ជាការ​កាត់ទោស​ដូចគ្នា​ដែល​អយ្យការ​បាន​ស្នើសុំ​ក្នុង​សំណុំរឿង​ទីមួយ​របស់ Yang Hyun Suk ដែល​គាត់​ត្រូវបាន​រកឃើញថា​គ្មាន​កំហុស​។

បន្ទាប់ពី​រដ្ឋ​អាជ្ញាប្រកាសការកាត់ទោស លោក Yang Hyun Suk បានចេញសេចក្តីថ្លែងការណ៍មួយដើម្បីអង្វររកឱកាសរួចពីទោស ក្នុងគោលបំណងបន្តធ្វើជាអ្នកដឹកនាំផលិតកម្ម YG ។

ក្នុងនោះលោកបានសរសេថា “ក្នុងរយៈពេល ៤ឆ្នាំចុងក្រោយនេះ ចំពេលមានការចោទប្រកាន់រាប់មិនអស់ ខ្ញុំតែងតែងរក្សាស្ងៀមស្ងាត់ដើម្បីឱ្យការពិតត្រូវបានបង្ហាញ។ ឥឡូវនេះ ខ្ញុំសុំឱ្យតុលាការផ្តល់ឱកាសឱ្យខ្ញុំត្រឡប់ទៅមុខតំណែងរបស់ខ្ញុំ និងបន្តធ្វើជាអ្នកដឹកនាំដើម្បីអភិវឌ្ឍវិស័យ K-Pop នាពេលអនាគត និងបង្កើតមាតិកាល្អៗសម្រាប់កូរ៉េ” ។

ការអង្វររបស់ស្ថាបនិកផលិតកម្មបានកើតឡើងចំពេលពាក្យចចាមអារ៉ាមបញ្ចប់កុងត្រាជាមួយ BLACKPINK កំពុងផ្សព្វផ្សាយ ខណៈភាគហ៊ុនរបស់ក្រុមហ៊ុនបន្តធ្លាក់ចុះកាន់តែខ្លាំង៕

ប្រែសម្រួល៖ សន្យា

ចុចអាន៖ វីដេអូរាំបទ How You Like That របស់ Blackpink មានអ្នកចូលមើល ១.៥ ពាន់លានដង

ចុចអាន៖ ពិតទេ Jennie និង Jisoo ត្រៀមបើកផលិតកម្មខ្លួនឯង ក្រោយបញ្ចប់កុងត្រាជាមួយ YG?