Taylor Swift ឱប ក Travis Kelce ក្នុងពិធីជប់លៀងនៅទីក្រុង Kansas អ្នកគាំទ្រសង្ស័យជាគូស្នេហ៍ថ្មី

កំពូលតារាចម្រៀងលំដាប់ពិភពលោក Taylor Swift បានឱបកលោក Travis Kelce ដែលជាកីឡាករបាល់ឱបអាជីពម្នាក់ ធ្វើឲ្យអ្នកគាំទ្រដឹងកាន់តែច្បាស់ពីទំនាក់ទំនងពួកគេ ។

រូបភាពដែលថតបាននៅភោជនីយដ្ឋាន Prime Social ក្នុង​ទីក្រុង Kansas រដ្ឋ Missouri បង្ហាញថា Taylor និង Kelce បានទៅទីនោះដើម្បីជប់លៀងជ័យជម្នះការប្រកួតបាល់ឱបកាលពីថ្ងៃអាទិត្យ ទី​២៤ ខែកញ្ញា ។

ទន្ទឹមនោះ គ្រាន់តែបង្ហាញពីទំនាក់ទំនងមិនយូរប៉ុន្មាន អតីតគូស្នេហ៍លោក Kelce បានតឿន Taylor ថា លោកកំពុងប្រើប្រាស់នាងទេ ។ ទោះយ៉ាងណា បើតាមប្រភពច្បាស់លាស់បានបកស្រាយថា Taylor មិនខ្វាយខ្វល់អ្វីឡើយ ព្រោះអ្នកទាំងពីរមិនទាន់ដាក់ចិត្តយកស្នេហាពិតប្រាកដផង គ្រាន់តែចំណាយពេលរីករាយជាមួយគ្នាសិនតែប៉ុណ្ណោះ ។

មួយវិញទៀត នៅក្នុងការប្រកួតជាមួយក្រុម Jets ក្នុងទីក្រុង New York នាថ្ងៃអាទិត្យខាងមុខនេះ Taylor ក៏នឹងចូលរួមទស្សនាលើកទឹកចិត្តដល់ Kelce ជាលើកទីពីរផងដែរ ៕

ប្រែសម្រួល៖ វារី

ប្រភព៖​ dailymail

ចុចអាន៖ លេចឮពាក្យចចាមអារ៉ាម Taylor Swift កំពុងមានទំនាក់ទំនងស្នេហាស្ងាត់ៗជាមួយកីឡាករបាល់ឱបអាមេរិក