ជីវិតកម្សាន្ដ

ណាក់ ស្រីណា ស្រក់ទឹកភ្នែក ក្រោយទស្សនាការសម្តែងផ្ទាំងទស្សនីយភាពដ៏អស្ចារ្យអប្សរា ២១ អង្គរ

បានផុស

១ year មុន

នៅ

ថ្ងៃចន្ទ ២ តុលា ២០២៣

ដោយ

ពិធីការិនី និងជាតារាសម្តែង កញ្ញា ណាក់ ស្រីណា បានបង្ហាញអារម្មណ៍រំភើបខ្លាំងរហូតទប់ទឹកភ្នែកហូរមិនបាន យំទាំងក្តីសប្បាយអបអរក្រោយពេលទស្សនាការសម្តែងផ្ទាំងទស្សនីយភាពដ៏អស្ចារ្យ អប្សរា ២១ អង្គរនៅក្នុងកម្មវិធីមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈ រូបភាព និងផ្ទាំងទស្សនីយភាពដ៏អស្ចារ្យ អប្សរា ២១ អង្គ សម្តែងជាក្រុមនេះគឺ មិនត្រឹមតែធ្វើឲ្យកញ្ញា ណាក់ ស្រីណា រំភើបទប់ទឹកភ្នែកមិនជាប់នោះទេ ថែមទាំងបង្ហាញនូវសកម្មភាពដ៏រស់រវើកដែលដក់ជាប់នៅក្នុងអារម្មណ៍ និងបេះដូងរបស់នាងថែមទៀត។ ក្នុងនោះមិនត្រឹមតែ ស្រីណា ទេសូម្បីអ្នកទស្សនាក៏រំភើប និងលាន់មាត់សរសើរការសម្តែងនេះដូចគ្នា។

ជាអារម្មណ៍ផុសចេញពីបេះដូងពិធីការិនី កញ្ញា ណាក់ ស្រីណា បានបញ្ជាក់ដោយក្តីរំភើបថា “ខ្ញុំយំរហូតព្រោះតែរំភើបពេក បង និងអង្គរអប្សរាកម្ពុជារបស់យើងធ្វើបានល្អខ្លាំងណាស់ ដូច្នេះយើងខ្មែរ កើតលើដីខ្មែរ ប្រឹងថែបន្តបេះដូងសិល្បៈវប្បធម៌ដ៏ល្អផូរផង់របស់ជាតិខ្មែរ”។

ចំណែកនៅលើផេក ណុប ដាណេ បានលើកឡើងដែរថា «លើកទីមួយក្នុងឆាកជីវិត ចង់ប្រាប់ថាភ័យផង អរផងពេលនៅលើឆាក Cambodia’s Got Talent ខ្ញុំបាទសូមគោរពអរគុណ លោកគ្រូ អ្នកគ្រូ ដែលអនុញ្ញាតឲ្យ ដាណេ បានយកផ្ទាំងទស្សនីយភាពមួយនេះទៅ កាន់ឆាក Cambodia’s got talent, អរគុណសម្រាប់ក្កីស្រលាញ់មួយនេះដែលមានមកកាន់ ស្រីណេ, អរគុណប្រជាជនកម្ពុជាទាំងអស់៕

អត្ថបទ៖ ចាន់រ៉ា