ជីវិតកម្សាន្ដ

BA គុណភាព G-Devith ពួតដៃគ្នាជាមួយ Sting បង្កើតព្រឹត្តិការណ៍តន្ត្រីដ៏អស្ចារ្យ ប្រចាំឆ្នាំ ២០២៣ គឺ Sting Musicverse Festival

បានផុស

២ years មុន

នៅ

ថ្ងៃចន្ទ ២ តុលា ២០២៣

ដោយ

កាលពីល្ងាចម្សិលមិញនេះ ជី ដេវីត បានបង្ហោះក្នុងគណនីហ្វ៊េសបុករបស់ខ្លួនពីកម្មវិធី Sting Musicverse Festival ដែលនឹងធ្វើឡើងនៅថ្ងៃទី ១២ វិច្ឆិកា នៅទីធ្លា OCIC ជ្រោយចង្វារ ចាប់ពីម៉ោង ២ រសៀល រហូតដល់ម៉ោង ១០ យប់។

ដេវីត បានប្រាប់ទៅអ្នកគាំទ្ររបស់ខ្លួនស្តែងៗ ថា “ម្តងនេះមិនមែនត្រឹមតែជាការប្រគំតន្ត្រីនោះទេ ម្តងនេះគឺលើសពីការប្រគំតន្ត្រីទៀត”។ ដោយត្រឹមតែពាក្យមួយឃ្លានេះធ្វើឲ្យអ្នកគាំទ្រអន្ទះសាចង់ដឹងច្បាស់បន្ថែម និងចង់ចូលរួមកម្មវិធីនេះជាខ្លាំង។

បន្តមកដល់ពេលនេះយើងនៅមិនទាន់ដឹងថា តើកម្មវិធី Sting Musicverse Festival មានអ្វីប្លែកអស្ចារ្យបែបណានោះទេ ប៉ុន្តែតាមការបញ្ជាក់ពីការបង្ហោះសារនៅក្នុងហ្វេសបុក របស់ G-Devith និង Sting យើងដឹងថាកម្មវិធីលើកនេះគឺធំជាង ២ ដង បើប្រៀបទៅកម្មវិធីដែល ដេវីត និង sting សហការគ្នាធ្វើពីមុនមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ផងដែរថា G-Devith គឺជាទូតសុឆន្ទៈរបស់ sting អស់រយៈពេលចូល ៣ ឆ្នាំ ទៅហើយ រីឯសមិទ្ធផលដែល G-Devith និង sting បានពួតដៃគ្នាធ្វើសម្រាប់អ្នកគាំទ្រក៏មានច្រើនដែរដូចជា Passion The Album Concert by Sting Musicverse , FFF ASEAN Party By Sting Musicverse និងកម្មវិធី Fan Meeting ជាច្រើនសម្រាប់អ្នកគាំទ្រឲ្យទទួលបានភាពសប្បាយរីករាយដ៏អស្ចារ្យ៕