ជីវិតកម្សាន្ដ

ក្រោយលេចឮប្រេះឆា Ploy បញ្ចេញរូបភាពផ្អែមល្ហែម លួងលោមមិត្តប្រុសវិញ

បានផុស

១ year មុន

នៅ

ថ្ងៃអង្គារ ៣ តុលា ២០២៣

ដោយ

គូស្នេហ៍ Ploy Chermarn និងតារាចម្រៀងប្រុស Tong twopee នៅតែជាព័ត៌មានដ៏ក្ដៅគគុក ក្រោយលេចឮដំណឹងថាពួកគេអាចនឹងប្រេះឆាស្នេហា បន្ទាប់ពីឃើញខាងស្រីមិនជូនពរថ្ងៃកំណើត និងលែងបង្ហោះរូបផ្អែមៗដុចមុនទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមកមិនបានប៉ុន្មានផង ខាងស្រីក៏បានចេញមុខបង្ហោះស្ទូរីក្នុង IG បញ្ជាក់ពីភាពស្ងប់ស្ងាត់រវាងគូស្នេហ៍ថា “ខ្ញុំទទួលស្គាល់ថា ពួកយើងពិតជាមានកំហឹងមែន។ ប៉ុន្តែពួកយើងបានបញ្ចប់ ដោយការជម្រះចិត្តនិងរៀនយល់ពីគ្នាខ្លះៗហើយ។ កំហឹងមិនអាចជួយអ្វីបានទេ! មានតែការដោះស្រាយ លួងលោមគ្នា ទើបអាចផ្សះផ្សាគ្នាបាន”។

យ៉ាងណាមិញ ក្រោយពីបានផ្សះផ្សាគ្នារួច ថ្មីៗនេះក៏មានភាពផ្អែមល្ហែមបានកើតឡើងលើបណ្ដាញអ៉ិនធើណេតម្ដងទៀត។ នៅក្នុងឱកាសខួបកំណើតរបស់មិត្តប្រុស តារាស្រី Ploy ក៏បានបង្ហាញរូបភាពផ្អែមល្ហែមជាមួយនឹងសារមួយឃ្លាថា “រីករាយថ្ងៃកំណើតបងសម្លាញ់! Ploy ជូនពរ Tong Tong មានសុភមង្គល។ ហើយអ្វីដែលបងចង់បាននឹងសម្រេចដូចសេចក្ដីប្រថ្នា។ Ploy នឹងនៅទីនោះដើម្បីមើលថែបងជានិច្ច! Ploy ស្រលាញ់ Tong ខ្លាំងណាស់”!