ជីវិតកម្សាន្ដ

Jungkook ទម្លាយខ្ទេចខ្ទី ក្រោយលេចឮពាក្យចចាមអារ៉ាមថា លោកមានមិត្តស្រី

បានផុស

១ year មុន

នៅ

ថ្ងៃពុធ ៤ តុលា ២០២៣

ដោយ

Jungkook សមាជិកក្រុម BTS បានបដិសេធពាក្យចចាមអារ៉ាមថាមានស្នេហាថ្មី ក្រោយនៅលើបណ្ដាញអ៉ិនធើណេតអ្នកគាំទ្របានយកឈ្មោះរបស់លោកមកជជែកវែកញែកគ្នាយ៉ាងខ្លាំងក្លា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងអំឡុងពេលការផ្សាយបន្តផ្ទាល់នៅស្ថានីយទូរទស្សន៍ប៉ុស្តិ៍ KST កាលពីថ្ងៃទី២ ខែតុលា Jungkook សមាជិកក្រុម BTS បានចំណាយពេលមួយភ្លែត ដើម្បីដោះស្រាយពាក្យចចាមអារ៉ាមដែលកំពុងរីករាយលើប្រព័ន្ធផ្សព្វផ្សាយសង្គម។

ព្រមជាមួយគ្នានោះ លោកបាននិយាយថា “ខ្ញុំចង់និយាយអ្វីម្យ៉ាង ព្រោះខ្ញុំបានឃើញមតិយោបល់អំពីវា ខ្ញុំមិនមានមិត្តស្រីទេ ខ្ញុំមិនដែលមានស្នេហាជាមួយអ្នកណាសោះឡើយ។ ពេលនេះខ្ញុំគ្រាន់តែចង់ផ្ដោតលើការងាររបស់ខ្ញុំ។ ដូច្នេះសូមឈប់និយាយរឿងនេះទៅ”។

សមាជិក្រុមក្រុម BTS រូបនេះបានបញ្ជាក់បន្ថែមទៀតថា បើនិយាយដោយស្មោះស តាមពិតមិត្តស្រីរបស់ខ្ញុំជា ARMY ឥឡូវនេះខ្ញុំមាន ARMY នៅទូទាំងពិភពលោក ហើយក៏ឈប់និយាយទៀតទៅ។ ដូចនិយាយដដែលៗ ពេលនេះខ្ញុំមានតែ ARMY ដូច្នេះកុំបារម្ភអីថាខ្ញុំមានមិត្តស្រីនោះ ព្រោះខ្ញុំគិតពីបច្ចុប្បន្នឲ្យបានល្អដែរសិន៕