ជីវិតកម្សាន្ដ

តារាថៃច្រើនរូប ចូលរួមរំលែកទុក្ខហេតុការណ៍បាញ់ប្រហារនៅផ្សារទំនើបកណ្ដាលក្រុងបាងកក

បានផុស

១ year មុន

នៅ

ថ្ងៃពុធ ៤ តុលា ២០២៣

ដោយ

ឧប្បត្តិហេតុដ៏អាក្រក់ដោយក្មេងប្រុសអាយុ១៤ឆ្នាំម្នាក់ បានបាញ់ប្រហារនៅក្នុងផ្សារទំនើប Siam Paragon កាលពីថ្ងៃទី០៣ ខែតុលា បណ្ដាលឲ្យជនបរទេស២នាក់បាត់បង់ជីវិត ដោយម្នាក់ជាជនជាតិចិន និងម្នាក់ទៀតជាពលករមីយ៉ាន់ម៉ា ខណៈមនុស្សប្រាំនាក់ក៏ត្រូវរបួសផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះ ជនសង្ស័យបានសារភាពថាដោយសារតែរូបគេគិតថាមានអ្នកចង់លបវាយប្រហារ ទើបសម្រេចចិត្តដកកាំភ្លើងខ្លី Glock ស្វ័យប្រវត្តិ ៩ មិល្លីម៉ែត្រ បាញ់យកតែម្តង ។ លើសពីនេះទៀតក្មេងប្រុសដដែលនេះ មានប្រវត្តិព្យាបាលរោគបញ្ហាផ្លូវចិត្ត ប៉ុន្តែមិនបានលេបថ្នាំរយៈពេលយូរមកហើយ និងញៀនលេងហ្គេមបែបបាញ់ប្រហារនៅលើកំព្យូទ័រថែមទៀត។

ក្រោយហេតុការណ៍ដ៏រន្ធត់ដែលបង្កឡើងដោយក្មេងប្រុសវ័យ១៤ឆ្នាំនេះ ក្នុងនោះអ្នកលេងអ៊ីនធឺណិតបានបញ្ចេញមតិជុំវិញហេតុការណ៍ក្នុងប្រទេស និងចូលរួមរំលែកទុក្ខដល់គ្រួសារសព ព្រមទាំងអ្នករងរបួស។ ស្របពេលដែលតារាថៃជាច្រើនបានធ្វើសកម្មភាពបង្ហោះតាមបណ្ដាញសង្គមរំលែកទុក្ខគ្រួសារសពដូចគ្នា។

Bow Maylada “ខ្ញុំសូមចូលរួមរំលែកទុក្ខជាមួយក្រុមគ្រួសារនៃសព។ ហើយសូមឲ្យអ្នកដែលរងរបួសទាំងអស់មានសុវត្ថិភាព”។

Pharanyu Rojanawuttithamm ‘ខ្ញុំសូមចូលរួមរំលែកទុក្ខជាមួយក្រុមគ្រួសារនៃសព’។

James Jirayu ‘ខ្ញុំសូមចូលរួមរំលែកទុក្ខដល់ក្រុមគ្រួសារនៃសព និងអ្នកដែលរងរបួសទាំងអស់’។

អ្នកដឹកនាំរឿង Tu Piyawadee ‘ខ្ញុំសូមចូលរួមរំលែកទុក្ខយ៉ាងក្រៀមក្រំបំផុតចំពោះគ្រួសារដែលបាត់បង់ជីវិត។ ហើយខ្ញុំសូមផ្ញើការលើកទឹកចិត្តដល់អ្នកដែលរងរបួសក្នុងឧបទ្ទវហេតុនេះ។ សូមឲ្យអ្នកទាំងអស់គ្នាមានសុវត្ថិភាព!នៅពេលនេះ នាយកប្រតិបត្តិ អ្នករៀបចំ និងតារាសម្ដែង ព្រមទាំងបុគ្គលិកគ្រប់ស្ថានីយទាំងអស់មានសាសុវត្ថិភាព ហើយបានចាកចេញពីតំបន់នេះបន្តិចម្តងៗ។ សូមអរគុណចំពោះកង្វល់របស់អ្នកនៅទីនេះ។’

Saint Supaphong ‘ខ្ញុំសូមចូលរួមរំលែកទុក្ខជាមួយក្រុមគ្រួសារនៃសព។ ហើយខ្ញុំសូមផ្ញើការលើកទឹកចិត្តដល់អ្នកដែលរងរបួស។ សូមឲ្យគ្រប់គ្នាមានសុវត្ថិភាព ឥឡូវ Saint និងក្រុមមានសុវត្ថិភាព។ អរគុណអ្នកទាំងអស់គ្នាចំពោះកង្វល់របស់អ្នក។

Lydia និង Matthew បានបង្ហាញថា ‘ខ្ញុំចង់ជូនដំណឹងដល់អ្នកអំពីការពន្យារពេលនៃព្រឹត្តិការណ៍ DEANE’S DYNASTY ដែលធ្វើនៅថ្ងៃទី ០៤ ខែតុលា ឆ្នាំ ២០២៣។ ក្រុមគ្រួសារយើងខ្ញុំ សូមចូលរួមរំលែកទុក្ខជាមួយក្រុមគ្រួសារនៃសព និងអ្នកដែលរងផលប៉ះពាល់ដោយព្រឹត្តិការណ៍ដែលបានកើតឡើងនៅពេលនេះផងដែរ។

Min Peachaya ‘ខ្ញុំសូមចូលរួមរំលែកទុក្ខដល់ក្រុមគ្រួសារនៃសព។ ហើយសូមផ្ញើការលើកទឹកចិត្តដល់អ្នករងរបួស និងក្រុមគ្រួសារទាំងអស់។ សូមឲ្យអ្នកទាំងអស់គ្នាមានសុវត្ថិភាពទាំងអស់គ្នា។

យ៉ាងណាមិញហេតុការណ៍បាញ់ប្រហារក្នុងផ្សារទំនើប Siam Paragon កាលពីថ្ងៃទី០៣ ខែតុលាបានបង្កឲ្យមានការចលាចលពីសំណាក់តារាប្រុសស្រីក្នុងទ្រនំប៉ុស្តិ៍លេខ៣ ស្របពេលដែលពួកគេបានទៅចូលរួមកម្មវិធីសម្ពោធ wig Big3 Best & Beyond នៅ Royal Paragon Hall ផងដែរ៕