ជីវិតកម្សាន្ដ

អម្ពរ ទេវី ឆ្លៀតនាំស្វាមីរំលេចខ្លួនលើទឹកដីអង្គរវត្ត អមដោយខ្លឹមសារថា មាតុភូមិក្នុងបេះដូង

បានផុស

១ year មុន

នៅ

ថ្ងៃពុធ ៤ តុលា ២០២៣

ដោយ

តារាសម្ដែងជើងចាស់ល្បីឈ្មោះអ្នកនាង អម្ពរ ទេវី កាលពីថ្មីៗនេះបានធ្វើដំណើរមកដល់ទឹកដីនៃប្រទេសកំណើតប្រទេសកម្ពុជា។ អ្នកនាង អម្ពរ ទេវី មកដល់ខ្មែរភ្លាមមិនបានសម្រាកច្រើននោះទេតែប្រញាប់ថតរឿង ”អប្សរាមហាអង្គរ” ដែលដឹកនាំដោយលោក ហ្វៃ សំអាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វត្តមានរបស់តារាសម្ដែងល្បីឈ្មោះអ្នកនាង អម្ពរ ទេវី នៅលើទឹកដីកម្ពុជាពេលនេះក៏បានធ្វើឲ្យមហាជនជាច្រើនបានសម្ដែងការគាំទ្រ ជាខ្លាំងចំពោះដំណើរមកកាន់ប្រទេសកំណើត។ អ្វីដែលកាន់តែចាប់អារម្មណ៍ថែមទៀតថ្មីៗនេះ តារាសម្តែង អម្ពរ ទេវី ក៏បានឆ្លៀតនាំស្វាមីរំលេចខ្លួនលើទឹកដីអង្គរវត្តអមដោយខ្លឹមសារថាមាតុភូមិក្នុងបេះដូង។

តារាសម្ដែងជើងចាស់ដ៏មានប្រជាប្រិយភាព អម្ពរ ទេ វី បានបញ្ចេញរូបភាពច្រើនសន្លឹកពីទឹកដីអង្គរ ថា “ខ្ញុំញញឹមដោយភាពកក់ក្ដៅនៃទឹកដីដ៏បវរនៃយើង មាតុ ភូមិក្នុងបេះដូង“។ អ្នកនាង អម្ពរ ទេវី បានមកដល់ខ្មែរជាថ្មីកាលពីថ្ងៃទី២០ ខែកញ្ញា ឆ្នាំ២០២៣ ពោល គឺមកមុនកំណត់ ខណៈដែលតាមគម្រោងនាងត្រូវមកស្រុកខ្មែរនៅដើមខែតុលា នេះ។

ការដែលអ្នកនាង អម្ពរ ទេវី បានមកដល់ខ្មែរភ្លាម គឺអ្នកនាងបានចាប់ផ្តើមសម្រុកថតរឿង ”អប្សរាមហាអង្គរ” របស់លោក ហ្វៃ សំអាង ខណៈដែលរឿងបុរាណមួយនេះបានធ្វើពិធីក្រុងពាលីតាំងពីថ្ងៃទី២២ ខែកុម្ភៈ ឆ្នាំ២០២៣ ហើយតារាផ្សេងៗទៀតដែលត្រូវជ្រើសឲ្យលេងរឿងមួយនេះបានចេញថតបាន ៧ ខែ មុនអ្នកនាង ទេវី មកដល់ខ្មែរ។

អ្នកនាង អម្ពរ ទេវី បានបោះបង់អាជីពសិល្បៈជាច្រើនឆ្នាំក្រោយនាងទៅរស់នៅសហរដ្ឋអាមេរិកជាមួយស្វាមីថ្មី លោក Pauly Hap ហើយអ្នកទាំងពីរក៏ទទួលបានចំណងដៃកូនស្រី១ អាយុជិត ១០ឆ្នាំ។ កាលពីឆ្នាំ២០១៧ អ្នកនាង អម្ពរ ទេវី បានចុះមកខ្មែរថតភាពយន្ដ ២រឿងគឺរឿង ”ទឹកចិត្តម្ដាយសម័យថ្មី” ដឹកនាំដោយលោកស្រី ពាន់ ភួងបុប្ផា និងរឿង ”ឆន្ទា” របស់ Ld ៕

អត្ថបទ៖ ចាន់រ៉ា