Lisa បញ្ចេញ​ឈុតស្រើបស្រាលច្រើនសន្លឹក ក្នុងក្លឹបកម្សាន្តនៅបារាំងលើកមុន

បើទោះបីជា Crazy Horse Paris កាលពីថ្ងៃទី ២៨-៣០ ខែកញ្ញា បានបញ្ចប់​ជាស្ថាពរក្ដី ប៉ុន្តែរូបភាពរបស់ Lisa សមាជិកក្រុម BLACKPINK ក្នុងកម្មវិធីដែលនាងសម្ដែងលើ​ឆាកនោះ នៅមិនទាន់ចប់ទេ ខណៈដែលនាងទើបតែ​បញ្ចេញរូបភាពស្រើបស្រាលលើ IG។

នាពេលថ្មីៗនេះ Lisa បានបង្ហាញរូបរាងដ៏ក្តៅគគុកក្នុងឈុតពីការសម្តែងកាបារ៉េតនៅទីក្រុងប៉ារីស។ ក្នុងនោះផងដែរ សមាជិកក្រុម BLACKPINK បានសរសេរចំណងជើងបង្ហាញពីអារម្មណ៍របស់នាង អំពីព្រឹត្តិការណ៍ដ៏សំខាន់នេះថា
‘បទពិសោធន៍ដ៏អស្ចារ្យបែបនេះនៅ crazyhorseparis_official សូមអរគុណអ្នកគ្រប់គ្នា សម្រាប់ការធ្វើឲ្យរឿងនេះកើតឡើង។ ប្រាប់ខ្ញុំគ្រប់ពេលដែលអ្នកត្រូវការនរណាម្នាក់ បំពេញកន្លែងមួយ’។ ‘Such an amazing experience at @crazyhorseparis_official Thank you everyone for making this happen. Call me whenever you need someone to fill a spot ‘។

យ៉ាងណាមិញ តាមរយៈរូបភាពប៉ុន្មានសន្លឹករបស់នាង បានបង្កឲ្យមានការចាប់អារម្មណីជាថ្មីម្ដងទៀត ជាពិសេសឈុតដែលនាងស្លៀកសម្ដែង។ ក្នុងនោះ អ្នកគាំទ្របានបញ្ចេញមតិថា នាងសិចស៊ីខ្លាំងសមនឹងកម្មវិធីគេតម្រូវក្នុងក្លិប។ ស្របពេលដែលទស្សនិកជនមួយចំនួនធំហាក់មិនពេញចិត្តលើកាយវិការរបស់នាង សម្ដែងក្នុងក្លិបកម្សាន្តរបស់បារាំងនោះទេ ។ ដោយគេលើកឡើងថា ប្រជាប្រិយភាពនាងអាចធ្លាក់ចុះ ព្រោះតែសកម្មភាពរបស់នាងមិនដូចកាលនៅជាមួយក្រុម BLACKPINK ឡើយ៕

ប្រែសម្រួល៖ សាង ស្រីល័ក្ខ

ចុចអាន៖តារាថៃច្រើនរូប ចូលរួមរំលែកទុក្ខហេតុការណ៍បាញ់​ប្រហារនៅផ្សារទំនើបកណ្ដាលក្រុងបាងកក