ជីវិតកម្សាន្ដ

តារាភាពយន្តទសវត្សរ៍៨០-៩០,អម្ពរ ទេវី រម្លឹកអនុស្សាវរីយ៍កាលពីក្មេង

បានផុស

៤ years មុន

នៅ

ថ្ងៃព្រហស្បតិ៍ ៤ កុម្ភៈ ២០២១

ដោយ

អតីតតារាភាពយន្តស្រីល្បីឈ្មោះនិងមានភាពលេចធ្លោលើវិថីសិល្បៈក្នុងទសវត្សរ៍ឆ្នាំ៨០និង៩០អ្នក នាង អម្ពរ ទេវី បានបាត់វត្តមានអស់រយៈពេលជាងពីរទសវត្សរ៍មកហើយ បន្ទាប់ពីបានដកខ្លួនពីវិថីសិល្បៈទៅសម្ងំរស់នៅលើទឹកដីសហរដ្ឋអាមេរិក។

ជាការពិតថ្វីត្បិតតារាស្រីជើងចាស់សម្បូរបទពិសោធសម្ដែងអ្នកនាង អម្ពរ ទេវី បានសម្រេចចិត្តដើរចេញពីសិល្បៈអស់រយៈកាលជាងពីរទសវត្សរ៍ហើយក្តី តែកេរ្តិ៍ឈ្មោះរបស់នាងនៅតែដិតដាមជាប់នៅក្នុងក្រអៅបេះដូងទស្សនិកជនគ្រប់ស្រទាប់វណ្ណៈដោយពេលខ្លះពួកគេនៅតែបង្ហាញអារម្មណ៍ចង់ទស្សនាទេពកោសល្យសម្ដែងរបស់អ្នកនាងឡើងវិញ និងចង់ឲ្យវិលមកចូលរួមសម្ដែងជាមួយតារារួមជំនាន់របស់ខ្លួន ដែលជាផ្នែកមួយចូលរួមលើកស្ទួយវិស័យភាពយន្ដនៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេចាំបានថា ការចូលខ្លួនប្រឡូកក្នុងសិល្បៈសម្តែងរបស់អ្នកនាង អម្ពរ ទេវី ដំបូងឡើយនាងបានចាប់ដៃគូសម្តែងជាមួយលោក សម វិទ្យា នៅឆ្នាំ១៩៨៨។ ប៉ុន្តែក្រោយមកការសម្តែងរបស់អ្នកនាងក៏ចាប់ផ្តើមលេចធ្លោនិងទទួលបានការគាំទ្រខ្លាំងជាមួយដៃគូប្រុសលោក ទេព រិនដារ៉ូ។ យ៉ាងណាមិញក្រោយពីមានការទន្ទឹងរង់ចាំរបស់អ្នកគាំទ្រតារាសម្ដែងជើងចាស់អ្នកនាង អម្ពរទេវី បានបង្ហាញខ្លួនជាថ្មីម្ដងទៀត លើលើទឹកដីប្រទេសកម្ពុជាកាលពីអំឡុងពាក់កណ្តាលឆ្នាំ២០១៨ផងដែរ។

ចំពោះការបង្ហាញខ្លួនដោយវិលត្រលប់មកកម្ពុជាលើកនោះ គឺត្រូវបានគេដឹងថា អ្នកនាង អម្ពរ ទេវីមកដើម្បីថតភាពយន្តឲ្យស្ថានីយទូរទស្សន៍មួយ។ ទន្ទឹមគ្នាដែលការវិលត្រឡប់ទៅរស់នៅក្រៅប្រទេសវិញអស់រយៈពេលយូរខែរបស់ អម្ពរ ទេវី នោះដែរ ថ្មីៗនេះនៅលើបណ្តាញសង្គមហ្វេសប៊ុកអ្នកនាងបានបង្ហោះរម្លឹកអនុស្សាវរីយ៍អតីតកាលគ្រាពីក្មេងរួមសម្តែងជាមួយលោក ទេព រិនដារ៉ូ និង យុត្ថា រ៉ាឆានី បង្កការចាប់អារម្មណ៍ខ្លាំងដល់មហាជនគ្រប់គ្នា។

ជាមួយគ្នានៃការបង្ហោះរូបភាពនេះដែរអ្នកនាង អម្ពរ ទេវី ក្រៅពីរម្លឹកគ្រាអតីតកាល អ្នកនាងក៏បានរំលេចសារខ្លីមួយដោយបានលើកឡើងថា សួស្ដីអ៊ុំពូមីងបងប្អូនទាំងអស់គ្នាខានផុសយូរហើយសុំរម្លឹករឿងអនុស្សាវរីយ៍ចាស់កាលនៅពីក្មេង។ សូមប្រិយមិត្តទស្សនារូបភាពអនុស្សាវរីយ៍របស់អ្នកនាង អម្ព រ ទេវី ខាងក្រោមនេះ៕

អត្ថបទ ៖ ចាន់រ៉ា