ជីវិតកម្សាន្ដ

Fan Bingbing នៅតែជាប់រហស្សនាមជាតារាអាស៊ី មិនបាក់ស្រុតលើកម្រាលព្រំក្រហម

បានផុស

១ year មុន

នៅ

ថ្ងៃព្រហស្បតិ៍ ៥ តុលា ២០២៣

ដោយ

បើទោះជាកាលពីអតីតកាល មានរឿងអាស្រូវជាច្រើនដែលធ្វើឲ្យ Fan Bingbing បាត់មុខពីវិស័យសិល្បៈមួយរយៈធំក្ដី ប៉ុន្តែពេលនេះនាងបានត្រលប់មកវិញ ហើយនៅតែជាតារាស្រីជូរមុខលើកម្រាលព្រំក្រហមដដែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលថ្មីៗនេះ Fan Bingbing បានបង្ហាញខ្លួនលើកម្រាលព្រំក្រហមនៃមហោស្រពភាពយន្តអន្តរជាតិ Busan ឆ្នាំ ២០២៣។ លើកនេះ តារាស្រីចិនមកជាមួយនឹងរ៉ូបហូរបែកពណ៌ផ្កាឈូកដ៏ស្រស់ស្អាត ទាក់ទាញភ្នែកអ្នកទស្សនាយ៉ាងខ្លាំងនៅក្នុងកម្មវិធីកម្រាលព្រំក្រហម។

ឈុតដែលតួឯកស្រីក្នុងរឿង “អធិរាជអ៊ូម៉ីនាង” ជ្រើសរើសស្លៀកត្រូវបានរចនានិងដេរដោយម៉ាកសំលៀកបំពាក់ម៉ាក Rami Al Ali ដោយបានពីការប្រមូល haute couture សម្រាប់រដូវស្លឹកឈើជ្រុះ និងរដូវរងាឆ្នាំ ២០២៣។

ក្នុងនោះទៀតសោត ទស្សនិកជនសុទ្ធតែបញ្ចេញមតិដូចៗគ្នា Fan Bingbing នៅតែសក្ដិសមនឹងរហស្សនាមថា “តារាអាស៊ីដែលមិនដែលបាក់ស្រុតនៅលើកម្រាលព្រំក្រហម” សូម្បីតែម្ដងណាឡើយ។ មិនថានាងបាត់មុខពីអាជីពច្រើនឆ្នាំក្ដី ប៉ុន្តែកាលវិលត្រលប់មកកាន់កន្លែងដើមវិញ បានធ្វើឲ្យនាងខ្លាំងលើសមុនទៀត៕