អតីតសិល្បករផលិតកម្ម YG បាត់ខ្លួនជាង ១០ឆ្នាំ មិនទាន់រកឃើញ

អតីតតារាចម្រៀងរ៉េប និងផលិតកររបស់ផលិតកម្ម YG Entertainment លោក Perry ត្រូវបានគេរាយការណ៍ថា បានបាត់ខ្លួនអស់រយៈពេល ១០ឆ្នាំមកហើយ ​មកទល់ពេលនេះនៅមិនទាន់ទទួលដំណឹងអ្វីនៅឡើយ។

ពេលនេះការ​បង្ហោះ​តាម​អ៊ីនធឺរណិត​មួយដែលមានចំណងជើង “ផលិតករ YG ​បាត់​ខ្លួន​អស់​រយៈ​ពេល ១០ឆ្នាំ” កំពុង​រីក​រាល​ដាលពាសពេញបណ្ដាញសង្គមនៅកូរ៉រខាងត្បូង ខណៈផលិតកររូបនោះគឺសម្ដៅលើតារាប្រុស Perry ។

Perry គឺ​ជា​សិល្បករ​​របស់ផលិតកម្ម YG Entertainment ដោយតារាប្រុសរូបនេះជាអ្នកមកពីសហរដ្ឋអាមេរិក។ ​លោកធ្លាប់ចូលរួមក្នុងការផលិតអាល់ប៊ុមដំបូងរបស់ YG Family ក្នុងឆ្នាំ១៩៩៩ និងបានផលិតអាល់ប៊ុមទី ៣ របស់ JinuSean នៅឆ្នាំ២០០១ ។ អាល់ប៊ុមចុងក្រោយរបស់ Perry គឺជាអាល់ប៊ុមរបស់ក្រុម BIGBANG ក្នុងឆ្នាំ២០១០។ របាយការណ៍​បញ្ជាក់​ថា កុងត្រា​របស់ Perry ជាមួយ YG Entertainment បាន​បញ្ចប់​ក្នុង​ឆ្នាំ២០១៥ ប៉ុន្តែកាលណោះមិនឃើញវត្តមានរបស់លោកចេញសន្និសីទកាសែតឡើយ។

យោងតាមសមាជិកគ្រួសារ បានឱ្យដឹងថា អតីតផលិតករ Perry បានបាត់ខ្លួន នៅទីក្រុង Los Angeles ប្រហែលឆ្នាំ២០១០។ ក្រុមគ្រួសារបានជូនដំណឹងដល់ប៉ូលិសអំពីការបាត់ខ្លួនរបស់សិល្បកររូបនេះ​ ប៉ុន្តែជាអកុសល ជិត ១៣ឆ្នាំទៅហើយ មិនទាន់មានដំណឹង ឬតម្រុយអ្វីពីលោកឡើយ។

យ៉ាងណាមិញ នៅថ្ងៃទី ៥ ខែតុលា ឆ្នាំ២០២៣ គេហទំព័រប្រព័ន្ធផ្សព្វផ្សាយ Wikitree បានរាយការណ៍ថា Perry ទំនងចង់រក្សាភាពឯកជន ហើយតារារ៉េបនេះអាចកំពុងរស់នៅឆ្ងាយពីគ្រួសារប៉ុណ្ណោះ។ បច្ចុប្បន្នបញ្ហាបាត់ខ្លួនរបស់ Perry មិនទាន់បញ្ជាក់ផ្លូវការពីប៉ូលិសនោះទេ​ ប៉ុន្តែបើការអះអាងពីអ្នកស្គាល់ និងសាច់ញាតិ លោកពិតជាបាត់ខ្លួនពិតមែន៕

ប្រែសម្រួល៖ សន្យា

ចុចអាន៖ កូនស្រីច្បងតារាហុងកុង Adam Cheng ធ្វើអត្តឃាត តែរកឪពុករៀបចំបុណ្យសពមិនឃើញ