ជីវិតកម្សាន្ដ

នី មុន្នីនាថ បំផុសយុទ្ធនាការជួយទេសចរណ៍ក្នុងស្រុក រំលេចការតែងខ្លួនជានារីអប្សរា

បានផុស

១ year មុន

នៅ

ថ្ងៃសុក្រ ៦ តុលា ២០២៣

ដោយ

តារាសម្ដែងសម្បូរទឹកភ្នែកតែងតែក្តាប់បានតំណែងតួឯកស្ទើរគ្រប់រឿង កញ្ញា នី មុន្នីនាថ បានចេញ មកបំផុសស្មារតីដល់យុវជនដើម្បីលើកស្ទួយវិស័យទេសចរណ៍ក្នុងស្រុកឲ្យកាន់តែរីកម្រើនថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា នី មុន្នីនាថ កន្លងមកត្រូវបានគេស្គាល់ថាជាតារាសម្ដែងពូកែទឹកភ្នែកដែលក្ដោបក្ដាប់បានឱកាសសម្ដែងតួឯកស្ទើរគ្រប់រឿងនៅក្នុងវិស័យភាពយន្តរបស់ខ្មែរ។ មិនតែប៉ុណ្ណោះនាងក៏ត្រូវបានទស្សនិកជនសរសើរតាមរយៈសកម្មភាពការងារសង្គម និងជាប្រធានមូលនិធិផ្ដល់ឈាមផងដែរ។

រឿងដែលភ្ញាក់ផ្អើលទៀតនោះកាលថ្មីៗនេះ កញ្ញា នី មុន្នីនាថ បានបង្កការចាប់អារម្មណ៍ និងផ្ទុះការកោតសរសើរពីសំណាក់មហាជនគ្រប់គ្នាបន្ទាប់ពីឃើញតារាស្រីរូបនេះបានបង្ហាញខ្លួនក្នុងការតុបតែងជានារីអប្សរា យ៉ាងស្រស់ ស្អាតដោយក្នុងនោះ នាងក៏បានបំផុសយុទ្ធនាការជួយទេសចរណ៍ក្នុងស្រុក។

តារាសម្តែង នី មុន្នីនាថ ក៏បានបញ្ចេញរូបភាពដោយរំលេចខ្លួនក្នុងឈុតអប្សរាភ្ជាប់ខ្លឹមសារខ្លីថា «យុទ្ធនាការជួយទេសចរណ៍ក្នុងស្រុក….តោះទៅលេងសៀមរាប»។ ជាមួយគ្នានេះ ក៏មានការលើកឡើងថា «អរគុណយ៉ាងជ្រាលជ្រៅដល់កញ្ញា Ny Monyneath បានចូលរួមថែរក្សាទម្រង់សិល្បៈអប្សរាដូចពាក្យមួយឃ្លាបានពោលថា “វប្បធម៌រលត់ ជាតិរលាយ វប្បធម៌ពណ្ណរាយ ជាតិថ្កើងថ្កាន” ។

យើងទាំងអស់គ្នាជាកូនខ្មែរ ត្រូវតែចូលរួមថែរក្សា អភិរក្ស និងអភិវឌ្ឍន៍ឲ្យបានរីកចំរើនដើម្បីកំណើនភ្ញៀវទេសចរជាតិ និងអន្តរជាតិ ជាពិសេសជួយបង្កើនចំណូលដល់ជាតិ និងពលរដ្ឋទាំងមូលផងដែរ៕

អត្ថបទ៖ ចាន់រ៉ា