មូលហេតុដែល IU មិនបោះបង់ក្រុមការងារ ធ្លាប់រួមទុក្ខរួមសុខជាមួយគ្នា

Lee Ji-eun ឬត្រូវបានគេស្គាល់ថា IU ជាតារាសម្ដែងស្រីក្នុងប្រទេសកូរ៉េខាងត្បូងដែលមានទេពកោសល្យ ព្រមទាំងភាពស្រស់ស្អាត ឆ្លាត ផ្សំនឹងអត្តល្អសម្រាប់អ្នកគាំទ្រទូទាំងពិភពលោក។

ក្រៅ​ពី​មានហ្វេនចាំគាំទ្រជា​ច្រើន នាង​ក៏​ត្រូវ​បាន​មិត្ត​រួម​ការងារ​ស្រឡាញ់​រាប់អាន​ ប្រៀបដូចជាបងប្អូនបង្កើតក្នុងពោះតែមួយយ៉ាងដូច្នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្រលប់ទៅរយៈពេលបន្តកិច្ចសន្យាក្នុងផលិតកម្ម IU បានផ្តល់លក្ខខណ្ឌមួយដល់ក្រុមហ៊ុន។ នេះ​មិន​មែន​ជា​បញ្ហា​នៃ​ការ​តុបតែង​បន្ទប់​ថត​ឡើង​វិញ​ឬ​ការ​ដំឡើង​ថ្លៃ​នោះ​ទេ។ ផ្ទុយទៅវិញ នាងបាន​ផ្ដល់កិច្ចសន្យា​ដែលមានស្ថិរភាពដល់ក្រុមរបស់នាងថា “ខ្ញុំចង់បន្តធ្វើការជាមួយក្រុមរបស់ខ្ញុំ។ ពួក​គេ​ប្រៀប​ដូច​ជា​ក្រុម​គ្រួសារ ដូច្នេះ​សូម​ឲ្យ​បុគ្គលិក​ខ្ញុំ​ឡើង​ប្រាក់ខែ តែចំពោះខ្ញុំមិនបាច់នោះទេ”។

ក្រុម IU​ Team កន្លះរយនាក់បានរួមគ្នាជាយូរណាស់មកហើយ រួមទាំងអ្នកគ្រប់គ្រងផ្ទាល់ខ្លួនដូចជា Bae Jonghan ដែលបានគ្រប់គ្រង IU ជាងដប់ឆ្នាំ ឬធ្វើ​ជាអង្គរក្សផ្ទាល់ខ្លួន ព្រមទាំងបាន​បំពេញ​កាតព្វកិច្ច​នេះ​តាំង​ពី​ឆ្នាំ ២០១២ ព្រម​ទាំង​បុគ្គលិក​ផ្សេង​ទៀត​​ ខណៈនាងមើលថែពួកគេដូចជាគ្រួសារតែមួយ។

លើសពីនេះថែមទៀតដែរ នៅពេលដែល IU ​ផ្លាស់ប្ដូរ​ស្លាក​ពីម៉ាកមុនរបស់នាង Kakao M ទៅស្លាកថ្មីគឺ EDAM Entertainment ក៏តារា​ចម្រៀង​រូប​នេះ​បាន​នាំ​ក្រុម​របស់​នាង​មក​ជាមួយ​ផង​ដែរ។ នេះបញ្ចាក់បានថានាងស្រលាញ់ក្រុមរបស់នាងខ្លាំងយ៉ាងណាហើយមិនថាទៅណាមកណា IU តែងតែនាំពួកគេទៅជាមួយជានិច្ចកាល៕

ប្រែសម្រួល៖ សាង ស្រីល័ក្ខ

ចុចអាន៖ក្លឹប​ដែល Lisa សម្ដែង​បញ្ជាក់​ច្បាស់ៗទៅអ្នកគាំទ្រចិនថា Angelababy​ មិន​បាន​ចូល​រួម​កម្មវិធីទេ