ជីវិតកម្សាន្ដ

ចុងឆ្នាំ! ស៊ឹម ថៃណា ជួបរឿងផ្ទួនៗ រងការមើលងាយ និងបំពានរាងកាយជាថ្មី

បានផុស

១ year មុន

នៅ

ថ្ងៃសុក្រ ៦ តុលា ២០២៣

ដោយ

កត់សម្គាល់ឃើញថា តារាចម្រៀង កញ្ញា ស៊ឹម ថៃណា ចូលដល់ចុងឆ្នាំ២០២៣ នេះ គឺនាងមានយីអ៊ុន ហាក់មិនសូវល្អសោះ ខណៈកាលពីថ្មីៗកន្លងទៅត្រូវបុរសស្រវឹងស្រាម្នាក់ជេរប្រមាថកិត្តិយសថ្លៃថ្នូរ។ ចំណែកពេលនេះស្រាប់តែ ថៃណា បានទម្លាយជាថ្មីថាមានអ្នកមើលងាយ និងបំពានរាងកាយរបស់នាងទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីជួបរឿងរ៉ាវនេះ គេសង្កេតឃើញតារាចម្រៀងចាស់វស្សា កញ្ញា ស៊ឹម ថៃណា បានបង្ហាញការមិនសប្បាយ និងហួសចិត្ត ចំពោះទង្វើគ្មានសីលធម៌ពីសំណាក់បុគ្គលទាំងនោះ។ ថៃណា បានប្រកាសព្រមានប្រើវិធានការផ្លូវច្បាប់ផងដែរ ដើម្បីប្រឆាំងការមើល ងាយ និងការបំពានរាងកាយមកលើនាងដែលជាស្រ្តីភេទ។

កញ្ញា ស៊ឹម ថៃណា បានបញ្ជាក់ថា «បន្តិចទៀតមានរឿងល្អមើលហើយ អាងខ្សែមែន បានមើលងាយខ្ញុំ លើកទីមួយបំពានរាងកាយខ្ញុំម្តង ខ្ញុំលើកលែងដោយគិត ថាធ្លាប់ស្គាល់គ្នាគ្រាន់តែខ្ញុំឈប់រាប់អាន តែឥឡូវមកប្រើសម្ដីមើលងាយម្តងទៀត សង្គមនេះគេកំពុងលុប បំបាត់ការមើលងាយមកលើស្ត្រី»។

តារាចម្រៀង ស៊ឹម ថៃណា បានបន្ថែមទៀតថា «អាប្អូនចង់លេងតាមផ្លូវច្បាប់? ខ្ញុំក្រអត់ខ្សែទេ តែខ្ញុំជឿជាក់លើច្បាប់ហេតុអី្វបាន ខ្ញុំជួបតែពពួកមើលងាយស្ត្រីអីចឹង»។

កញ្ញា ស៊ឹម ថៃណា បញ្ជាក់ប្រាប់ឲ្យដឹងបន្ថែមទៀតថា “រឿងនេះថ្មីទៀតហើយដោយគេអាងថា ខ្លួនកូនអ្នកមានខ្សែធំ ហើយរឿងនេះក៏ទើបកើតឡើងកាល ពីយប់មិញដែរ“។

គួររម្លឹកដែរថា តារាចម្រៀងចាស់វស្សា គឺកញ្ញា ស៊ឹម ថៃណា កាលពីថ្មីៗកន្លងទៅនេះនាងត្រូវបានបុរសម្នាក់ដែលស្រវឹងស្រាជេរប្រមាថកិត្តិយសធ្ងន់ធ្ងររហូតធ្វើឲ្យតារាស្រីរូបនេះកើតទុកមិនសុខចិត្តដោយប្រកាសឲ្យបុគ្គលរូបនោះចេញមុខសុំទោសជាសាធារណៈទៀតផង៕

អត្ថបទ៖ ចាន់រ៉ា