ជីវិតកម្សាន្ដ

Pope ប្រាប់មូលហេតុ ដែលកម្រលេចមុខតាមប្រព័ន្ធផ្សព្វផ្សាយដូចតារាដទៃ

បានផុស

១ year មុន

នៅ

ថ្ងៃសុក្រ ៦ តុលា ២០២៣

ដោយ

Pope Thanawat គឺជាតារាសម្ដែងដែលកម្រឃើញនៅតាមប្រព័ន្ធផ្សព្វផ្សាយ ឬក្នុងព្រឹត្តិការណ៍នានាដូចតារាប្រុសស្រីផ្សេងណាស់។ ស្របពេលដែលនៅថ្ងៃទី០៥ ខែតុលា លោកបានមកចូលរួមពិធីសម្ភោធរឿង “បុព្វេសន្និវាស” ហើយបានផ្តល់បទសម្ភាសន៍ដល់សារព័ត៌មានពីការបាត់ខ្លួនរបស់លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការសម្ភាសន៍នោះដែរ លោកបាននិយាយថា “មិនបានទៅណាក្រៅពីនៅផ្ទះ ហើយកំពុងបន្តធ្វើចំណូលចិត្តរបស់ខ្ញុំដូចធម្មតា។ បន្ទាប់ពីរឿង “បុព្វេសន្និវាស” បានបញ្ចប់ការថត ខ្ញុំក៏មិនខុសពីអ្នកផ្សេងគឺបានស្នាក់នៅផ្ទះ និងធ្វើដំណើរ ជាមួយក្រុមគ្រួសារ ហាត់ប្រាណ លេងកីឡាវាយកូនហ្គោល និងរស់នៅជាមួយមនុស្សដែលខ្ញុំស្រលាញ់។ ជារួមខ្ញុំបានយកពេលវេលានេះជាពេលវេលារបស់អ្នកផ្ទះ”។

យ៉ាងណាមិញ ក្រោយការផ្ដល់បទសម្ភាសន៍នេះរួចរាល់អ្នកគាំទ្ររបស់តារាប្រុសរូបនេះហាក់ធូរស្រាលក្នុងចិត្តយ៉ាងខ្លាំង។ ត្បិតថា Pope Thanawat គឺជាតារាប្រុសដែលពុំសូវបង្ហាញវត្តមានលើកញ្ចក់អេក្រង់ជាសាធារណៈបង្ហាញឲ្យទស្សនិកជនបានដឹងពីសុខទុក្ខលោកណាស់៕