IU ត្រូវគេគំរាមសម្លាប់ ពេលកំពុងថត

តារាសម្ដែង និងចម្រៀងទោល IU (Lee Ji-eun) បានក្លាយជា​គោលដៅ​នៃ​ការ​គំរាម​សម្លាប់របស់ជនអនាមិកនៅលើអ៊ីនធឺរណិត ពេលកំពុងថត ប៉ុន្តែជាសំណាងល្អ នាងពុំមានគ្រោះថ្នាក់អ្វីនោះទេ ដោយសារមានអន្តរាគមន៍ពីផលិតករ និងក្រុមប៉ូលិស។

នៅថ្ងៃទី៦ ខែតុលា ផលិតកម្ម EDAM Entertainment របស់តារាស្រី IU បានផ្តល់ព័ត៌មានថា ខ្លួនកំពុងដាក់ពាក្យបណ្តឹងប្រឆាំងនឹងអ្នកនិយមលេងអ៊ីនធឺរណិតដែលបញ្ចេញសកម្មភាពព្យាបាទ និងបង្ខូចកេរ្តិ៍ឈ្មោះតារាចម្រៀង IU ។យោងតាមការអះអាងពីផលិតកម្ម ពួកគេបានប្តឹងទាមទារសំណងខូចខាត ប្រឆាំងនឹងអ្នកនិយមលេងអ៊ីនធឺរណិត ពីបទបរិហារកេរ្តិ៍ និងរំលោភសិទ្ធិរបស់នាង ហើយបច្ចុប្បន្នកំពុងរង់ចាំការសម្រេចរបស់តុលាការ។

ជាមួយគ្នានោះ ផលិតកម្មបានចេញសេចក្តីថ្លែងការណ៍បន្ថែមថា ជនអនាមិកនៅលើអនឡាញបានគំរាមសម្លាប់សិល្បការិនីរបស់ខ្លួន ពេលនាងកំពុងថត ប៉ុន្តែបន្ទាប់ពីនោះប៉ូលិសបានទៅកាន់ការិយាល័យរបស់ផលិតកម្ម និងផ្ទះរបស់ IU ដើម្បីការពារ និងធានាសន្តិសុខជូននាង៕

ប្រែសម្រួល៖ សន្យា

ចុចអាន៖ មូលហេតុដែល IU មិនបោះបង់ក្រុមការងារ ធ្លាប់រួមទុក្ខរួមសុខជាមួយគ្នា

ចុចអាន៖ អតីតសិល្បករផលិតកម្ម YG បាត់ខ្លួនជាង ១០ឆ្នាំ មិនទាន់រកឃើញ