កូនស្រីច្បងអាយុមិនទាន់ ១ខួបផង Weir ពោលចង់បានកូនទីពីរបាត់

គិតមកទល់ពេលនេះ កូនស្រីច្បងរបស់តារាសម្ដែង Weir Sukollawat និងភរិយាអភិជន Vicky Peemonya មានអាយុ ៩ខែហើយ ខណៈនាងតូចអាយុមិនទាន់គ្រប់ ១ខួប ប៉ាម៉ាក់របស់នាងបានបង្ហើបគម្រោងយកទាយាទទីពីរ នៅឆ្នាំក្រោយនេះ។

រៀបការ និងរួមរស់ជាមួយគ្នាបានជាងមួយឆ្នាំ តារាសម្តែង Weir និងភរិយា បានប្រកាសនៅក្នុងបទសម្ភាសន៍ថ្មីមួយថា លោកចង់បានកូនម្នាក់ទៀត នៅឆ្នាំ២០២៤ ខាងមុខ។ ក្នុងឱកាសចូលរួមសន្និសីទសារព័ត៌មាន NETFLIX ដើម្បីសម្ពោធរឿងថ្មី តារាប្រុស Weir ប្រាប់ថា ឆ្នាំក្រោយលោកនិងភរិយាគ្រោងយកកូនទីពីរ ហើយលោកមានបំណងយកកូនប្រុស។ យ៉ាងណាមិញឱកាសទទួលបានកូនប្រុស អាចពិបាកបន្តិច ដូច្នេះលោកប្រហែលជ្រើសរើសប្រើវិធីវេជ្ជសាស្ត្រដើម្បីសម្រេចបំណង។

ជាមួយគ្នានោះ Vicky ភរិយា Weir បានបង្ហាញចេតនាចូលប្រឡូកក្នុងវិស័យសិល្បៈដូចស្វាមី ហើយប្រសិនមានគេទាក់ទងថត នាងនឹងទទួលព្រម ជាពិសេសអាជីពជាតារាសម្ដែង៕

ប្រែសម្រួល៖ សន្យា

ចុចអាន៖ Weir ប្រកាសវិលចូលសិល្បៈវិញ ក្រោយផ្អាកមើលថែប្រពន្ធកូនមួយឆ្នាំ

ចុចអាន៖ ក្រុម BABYMONSTER ប្រកាសបង្ហាញខ្លួនផ្លូវការ ចំពេលពាក្យចចាមអារ៉ាមដកសមាជិកចេញម្នាក់