ឃើញសម្រស់ ហាន់ ជីអ៊ុន ក្មេងខុសវ័យពេក ទស្សនិកជនថានាងលួចកែសម្ផស្ស

រូបភាព​របស់អតីតតួ ហាន់ ជីអ៊ុន (Song Hye Kyo) ពេល​ចូលរួម​ព្រឹត្តិការណ៍​ម៉ាក​យីហោ​មួយ​កាលពី​ពេល​ថ្មី​ៗ​កន្លង​មកនេះ បាន​ធ្វើ​ឱ្យ​មហាជន​ភ្ញាក់ផ្អើលយ៉ាងខ្លាំង ​ដោយសារ​សម្រស់ក្មេងជាងវ័យ​របស់​នាង គ្រប់គ្នាសឹងមិនជឿថា តារាស្រីរូបនេះមិនកែសម្ផស្សនោះទេ។

បង្ហាញ​ខ្លួន​ក្នុង​រ៉ូប​ពណ៌​ខៀវ​ឆើតឆាយ ​ជាមួយ​ទម្រង់​មុខ​​ស្រទន់ និង​ស្បែក​ស​ភ្លឺ​ថ្លា តួឯកស្រី​រឿង “The Glory” ត្រូវបានគេសង្ស័យថា បានទៅលួចវះកាត់កែសម្ផស្ស ព្រោះសម្រស់របស់នាងនៅតែក្មេងមិនប្រែប្រួល ហាក់មិនខុសឆ្ងាយពី ២០ឆ្នាំមុនទាល់តែសោះ។

អ្នកនិយមលេងអ៊ីនធឺរណិតមួយចំនួនយល់ថា Song Hye Kyo ពិតជាធ្លាប់វះកាត់ដើម្បីរក្សាសម្រស់ ទាំងដែលការពិតតារាស្រីវ័យ ៤១ឆ្នាំ គ្មានបទពិសោធន៍ឆ្លងកាត់មុខកាំបិតសូម្បីម្ដង។ ជាមួយគ្នានេះ អ្នកគាំទ្ររបស់នាងបានចេញការពារដោយអះអាងថា សម្រស់ក្មេងជាងវ័យរបស់អាយដលពួកគេ​នៅតែស្រស់ស្អាត ក្មេងជាងវ័យ ដោយសារនាងទម្លាប់ហាត់ប្រាណទៀងទាត់ និងកំណត់របបអាហារបានត្រឹមត្រូវ។

យ៉ាងណាមិញ នេះមិនមែនជារឿងប្លែកនោះទេសម្រាប់តារាកូរ៉េដែលប្រិយមិត្តតែងតែឃើញពួកគេនៅក្មេង ស្រស់ស្អាត មិនសមនឹងវ័យ ដូចជា Jun Ji Hyun, Kim Tae Hee, និង Han Hyo Joo ជាដើម ទោះបីអាយុ ៤០ប្លាយ ប៉ុន្តែសម្រស់ដូចយុវវ័យ ២០ប្លាយប៉ុណ្ណោះ៕

ប្រែសម្រួល៖ សន្យា

ចុចអាន៖ ដឹងអាថ៌កំបាំងរក្សាវ័យមិនចេះចាស់របស់ អតីតតួ ហាន់ជីអ៊ុន