ជីវិតកម្សាន្ដ

សួស វីហ្សា ចាត់ទុកជំងឺផ្លូវចិត្តជាជំងឺសាហាវបំផុត ពិបាកព្យាបាលជាងគេ

បានផុស

១ year មុន

នៅ

ថ្ងៃចន្ទ ១៦ តុលា ២០២៣

ដោយ

តារាចម្រៀងអ្នកនាង សួស វីហ្សា បានចេញមកទម្លាយថា កន្លងមកនាងធ្លាប់ជួបនូវបញ្ហាជំងឺផ្លូវចិត្តមានរយៈពេលច្រើនឆ្នាំ។ ក្នុងនោះ នាង ក៏បានបញ្ជាក់ថា ជំងឺផ្លូវចិត្ត ជាជំងឺដែលសាហាវបំផុតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង សួស វីហ្សា បានលើកឡើងថា «ជំងឺដែលពិបាកព្យាបាលជាងគេគឺជាជំងឺផ្លូវចិត្ត ជំងឺនេះជាជំងឺដែលសាហាវបំផុតហើយ សម្រាប់មនុស្សម្នាក់ៗ ផ្លូវចិត្តវាពិតជាសំខាន់ជាងអ្វីៗ ទាំងអស់ ខ្ញុំក៏មានជំងឺនេះដែរ រយៈពេលច្រើនឆ្នាំមកហើយ សូមថែផ្លូវចិត្តឲ្យរឹងមាំ សូមឲ្យកម្លាំងបុណ្យទាំងអស់ដែលខ្ញុំបានសាង ព្រមទាំងសំពាយបុណ្យទាំងអស់ដែលខ្ញុំបានស្ពាយមកតាមខ្លួនទាំងប៉ុន្មាន សូមជួយបំភ្លឺផ្លូវ និងជួយនាំតែរឿងល្អៗ ចូលមកក្នុងជីវិតកូនផង»។

អ្នកនាង សួស វីហ្សា និយាយបន្តទៀតថា «សូមឲ្យរឿងអាក្រក់បរវាសជៀសឆ្ងាយ សូមឲ្យពពួកអមនុស្សទាំងអស់បាក់ខ្លាចបង្វែរប្តូរទិសកុំឲ្យមកក្បែរគ្រួសារកូនសូមឲ្យអ្នកមានគុណរបស់ខ្ញុំទាំងអស់មានកម្លាំងមាំមួនសុខភាពល្អ និងអាណិតមេត្តាស្រលាញ់កូនស្រីម្នាក់នេះរហូតទៅ បើទោះជាកូនខុសខ្លះត្រូវខ្លះ សូមលោកកុំយកទោសភ័យកូន កូនសន្យាថានឹងគោរពដឹងគុណ និងសងគុណលោកអស់មួយជីវិត»។

បន្ថែមពីនេះ អ្នកនាង សួស វីហ្សា លើកឡើងដែរថា «នាងខ្ញុំ ក៏សូមគោរពជូនពរបងប្អូនពូមីងទាំងអស់ សូមជួបតែសេចក្តីសុខ សំណាងល្អ និងធ្វើដំណើរទីជិតឆ្ងាយ សូមឲ្យមានសុវត្ថិភាពទាំងអស់គ្នា ហើយកុំភ្លេចថែរក្សាផ្លូវចិត្តឲ្យរឹងមាំល្អផង»។

ជាការពិតចំពោះបញ្ហាជំងឺបាក់ទឹកចិត្តមិនមែនជារឿងលេងសើច ហើយរឹតតែមិនអាចធ្វេសប្រហែសដែរ ខណៈបច្ចុប្បន្នគេសង្កេតឃើញមានមនុស្សច្រើននាក់មកហើយ ពិសេសយុវវ័យតែម្ដង បានសម្រេចជ្រើសរើសវិធីដើម្បីបញ្ចប់ជីវិតខ្លួនឯង ព្រោះតែមិនអាចដោះស្រាយបញ្ហា ឬ ស្វែងរកអ្នកណាមកជួយពួកគេបាន។