ជីវិតកម្សាន្ដ

ចេន តបវិញយ៉ាងចាក់ដោត ក្រោយបុគ្គលម្នាក់រិះគន់រឿងសាក់លើដងខ្លួន

បានផុស

១ year មុន

នៅ

ថ្ងៃសុក្រ ២០ តុលា ២០២៣

ដោយ

តារាចម្រៀង ចេន សមាជិក Nevrmind BAND ថ្មីៗនេះ ត្រូវបានអ្នកលេងបណ្ដាញសង្គមហ្វេសប៊ុកម្នាក់ រិះគន់ដោយមិនសំចៃមាត់ទៅលើស្នាមសាក់ច្រើនកន្លែងនៅលើដងខ្លួនរបស់លោក។ ទង្វើនេះ ត្រូវបានគេចាត់ទុកថាជាការរើសអើងគ្មានសីលធម៌។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លើយតបការរិះគន់របស់បុគ្គលរូបនោះ តារាចម្រៀង Original Song លោក ចេន ហាក់មិនមានប្រតិកម្មខ្លាំង ឬ ខឹងសម្បារលើម្ចាស់ទំព័រហ្វេសប៊ុកឈ្មោះ Naro Sad ទេ ដោយលោកលើកឡើងថា «ជាតិនេះ ខ្ញុំប្រាកដជាមានវិប្បដិសារីពេញមួយជីវិត ព្រោះគាត់មិនអនុញ្ញាតឲ្យខ្ញុំពិសាបាយជាមួយគាត់ទេ»។

ផ្អែកតាមខ្លឹមសាររិះគន់នៅលើគណនី Naro Sad បាននិយាយថា «អត់ហ៊ានស៊ីបាយជាមួយទេ សាក់ច្រើនជាង ខ្ពើមណាស់»។ ភ្លាមៗ នេះដែរ ក៏មានការឆ្លើយតបពីទំព័រហ្វេសប៊ុក Nevrmind BAND ដែរថា «បាទបង តើធ្វើយ៉ាងណាទើបមានឱកាសពិសាបាយជាមួយបងអ្នកខ្ពង់ខ្ពស់ទៅ»។

គួរជម្រាបថា លោក ចេន (Chen) គឺជាតារាចម្រៀង Original Song ដែលមានប្រជាប្រិយបូករួមជាមួយនឹងទឹកដមសំឡេងផ្អែម ហើយមានរូបសម្រស់ស្រស់សង្ហា ល្បីខ្លាំងនៅប្រទេសកម្ពុជា ខណៈទីផ្សារគាំទ្រនៅតែរក្សាបានច្រើនពីសំណាក់មិត្តៗយុវវ័យគ្រប់ស្រទាប់។ ម្យ៉ាងទៀតតារាប្រុសរូបនេះ តែងបញ្ចេញស្នាដៃបទថ្មីៗ ដើម្បីតម្រូវតាមទីផ្សារសិល្បៈផងដែរ៕

អត្ថបទ ៖ ចាន់រ៉ា