ជីវិតកម្សាន្ដ

មាស សុខសោភា កំពុងត្រៀមខ្លួនចូលផលិតកម្មថ្មីយ៉ាងមានទំនុកចិត្ត

បានផុស

៤ years មុន

នៅ

ថ្ងៃសុក្រ ៥ កុម្ភៈ ២០២១

ដោយ

ទីបំផុតតារាចម្រៀងស្រីសំនៀងផ្អែម មាស សុខសោភា បានបញ្ជាក់ច្បាស់ពីទ្រនំថ្មីដែលនាងត្រៀមផ្ញើវាសនាលើថ្នាលនៃវិស័យសិល្បៈបន្ទាប់ពីសម្រេចចិត្តចាកចេញពីផលិតកម្មថោនអស់មួយរយៈកន្លងទៅនោះ។

ផលិតកម្មថ្មីដែលត្រូវបានតារាចម្រៀង មាស សុខសោភា ត្រៀមខ្លួនចូលបំបែកទីផ្សារចម្រៀងនោះគឺមានឈ្មោះថា រាម ។ ទន្ទឹមគ្នាដែលបញ្ជាក់ច្បាស់ៗពីទ្រនំថ្មីនេះដែរ មាស សុខសោភា ក៏បានបង្ហាញក្តីសង្ឃឹមហើយស្នើឲ្យទស្សនិកជនបន្តការគាំទ្រនាងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មាស សុខសោភា បានថ្លែងប្រាប់ពីការរំពឹងនៅក្នុងផលិតកម្មថ្មីថា នាងខ្ញុំសង្ឃឹម និងសូមបកស្រាយនូវចម្ងល់របស់អ្នកគាំទ្រជាថ្មីម្តងទៀតថា ពេលនេះនាងខ្ញុំបានសម្រេចចូលផលិតកម្ម រាម ជាផ្លូវការហើយ ខណៈព្រឹត្តិការណ៍ស្វាគមន៍វត្តមានរបស់នាងខ្ញុំនឹងធ្វើឡើងនៅថ្ងៃទី១៩ ខែកុម្ភៈខាងមុខនេះជាមួយនឹងការបង្ហាញបទចម្រៀងថ្មីរបស់នាងខ្ញុំដូចគ្នា។

ខ្ញុំសង្ឃឹមថា បងប្អូនអ្នកគាំទ្ររបស់នាងខ្ញុំទាំងអស់គ្នាជឿជាក់គោរពស្រលាញ់និងគាំទ្រនូវការសម្រេចចិត្តរបស់នាងខ្ញុំចូលក្នុងផលិតកម្ម រាម។ សូមបងប្អូនបន្តការគាំទ្រនាងខ្ញុំនិងផលិតកម្មរាមនេះបន្តទៀតផងចា៎ ។

តាមរយៈការប្រកាសរបស់មាស សុខសោភា ខាងលើនេះបានធ្វើឲ្យទស្សនិកជនកំពុងទន្ទឹងរង់ចាំមើលថាតើវត្តមាននៅក្នុងផលិតកម្មថ្មីនេះ មាស សុខសោភា អាចបំបែកបានទីផ្សារគាំទ្រនិងប្រជាប្រិយភាពខ្លាំងដូចគ្រានៅផលិតកម្មចាស់ឬយ៉ាងណា?៕

អត្ថបទ ៖ ចាន់រ៉ា