មូលហេតុបែកគ្នារវាង Jisoo និង Ahn Bo Hyun បណ្ដាលមកពីរឿងសាមញ្ញបំផុត

តារាចម្រៀង Kim Jisoo សមាជិកក្រុម BLACKPINK បានបែកបាក់គ្នាជាមួយតារាសម្ដែង Ahn Bo Hyun ហើយ ក្រោយពេលទាក់ទងនឹងគ្នាបាន ២ខែ ខណៈមូលហេតុនៃការប្រេះឆាមួយនេះ បណ្ដាលមកពីរឿងសាមញ្ញប៉ុណ្ណោះ។

នៅថ្ងៃទី២៤ ខែតុលា ឆ្នាំ២០២៣ សារព័ត៌មាន JTBC បានរាយការណ៍ថា Jisoo និងមិត្តប្រុសបានបែកបាក់គ្នាជាផ្លូវការ ដោយសារតែពួកគេរវល់ការងាររវល់រៀងខ្លួន។

ជាមួយគ្នានេះផលិតកម្ម YG Entertainment ចេញមុខបកស្រាយទៅនឹងព័ត៌មានដែលថា Jisoo និងតារាសម្តែង Ahn Bo Hyun បានបែកបាក់គ្នា គឺជារឿងពិត ដោយផលិតកម្មបានឆ្លើយតបយ៉ាងខ្លី “ពិតមែនហើយ” (That’s correct) ។

សូមរំលឹកថា Jisoo និង Ahn Bo Hyun បានបង្ហាញទំនាក់ទំនងជាសាធារណៈ កាលពីខែសីហា ហើយពេលនោះ YG Entertainment បានធ្វើសេចក្តីថ្លែងការណ៍ដ៏កម្រមួយបញ្ជាក់ពីទំនាក់ទំនងរបស់ពួកគេផងដែរ៕

ប្រែសម្រួល៖ សន្យា

ចុចអាន៖ Jennie វ៉ាដាច់ ក្លាយជាតារា K-Pop ស៊ីថ្លៃខ្លួនខ្ពស់បំផុត