ជីវិតកម្សាន្ដ

ភឹម ស្រីនោ ចាត់ទុកខ្លួនមានសំណាងបានតំណាងកម្ពុជាលើឆាកអន្តរជាតិ

បានផុស

១១ ខែ មុន

នៅ

ថ្ងៃសុក្រ ២៧ តុលា ២០២៣

ដោយ

ជាការពិតណាស់មហាជន និងអ្នកគាំទ្របាន បង្ហាញការចូលរួមសោកស្តាយគ្រប់គ្នា ខណៈដែលបររកញ្ញាកម្ពុជាកញ្ញា ភឹម ស្រីនោ ពុំអាចទទួលបានជ័យ លាភីណាមួយនៃការប្រកួតលើឆាក អន្តជាតិ Miss Grand International 2023 នៅប្រទេសវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងនេះក៏ពិតមែនសម្រាប់កញ្ញា ភឹម ស្រីនោ នៅតែរក្សាបានការគាំទ្រ និងលើកទឹកចិត្តខ្លាំងពី សំណាក់ប្រជាជនកម្ពុជាដែលនាងបាននាំយកឈុតតំណាងជាតិទៅបង្ហាញនៅលើឆាកអន្តរជាតិដើម្បីឲ្យពិភពលោកបានស្គាល់កាន់តែច្បាស់នូវអរិយធម៌ វប្បធម៌របស់ប្រទេសកម្ពុជា។

ដោយឡែកងាកមកសាមីខ្លួនកញ្ញា ភឹម ស្រីនោ បានបង្ហាញអារម្មណ៍របស់ខ្លួនថា នាងពិតជាមានសំណាងដែលបានតំណាងប្រទេសកម្ពុជានៅលើឆាកអន្តរជាតិ និងអគុណចំពោះការគាំទ្ររបស់ប្រជាជនកម្ពុជាកន្លងមក។ ស្រីនោ បាននិយាយថាជា «ដំបូងនាងខ្ញុំសូមអរគុណ Mommy Sokunthea Im ,បងស្រី Sara Pich និងក្រុមការងារដែលបានជឿជាក់ និងផ្ដល់ឱកាសឲ្យរូបនាងខ្ញុំតំណាងឲ្យប្រទេសកម្ពុជានៅលើឆាកអន្តរជាតិមួយនេះ។

កញ្ញា ភឹម ស្រីនោ បានបន្តថាអរគុណចំពោះការមើល ថែការខិតខំប្រឹងប្រែង យកចិត្តទុកដាក់ព្រួយបារម្ភ និងការលះបង់ជាច្រើនដើម្បីពាក្យថាកម្ពុជា នាងខ្ញុំសូមផ្ញើ ការស្រលាញ់ និងការគោរពជូនចំពោះអ្នកទាំងអស់ គ្នាហើយនាងខ្ញុំសូមជូនពរឲ្យអ្នកទាំងអស់គ្នាជួបតែភាព រីកចម្រើន និងសេចក្ដីសុខ។ នាងខ្ញុំក៏សូមធ្វើការអរគុណទៅដល់បណ្ដាអ្នកគាំទ្របវរកញ្ញា (Fan page) ដែលតែងតែបង្ហាញ និងផ្សព្វផ្សាយអំពីរូបនាងខ្ញុំក៏ដូចជាបវរកញ្ញាដែលតំណាងឲ្យប្រទេសកម្ពុជា»។

បវរកញ្ញា ភឹម ស្រីនោ បញ្ជាក់ទៀតថា ទោះបីជាលទ្ធផលយ៉ាងណាក៏នាងខ្ញុំដឹងថា នាងខ្ញុំតែងតែមានពុកម៉ែបងប្អូន ប្រជាជនកម្ពុជា និង បណ្ដាអ្នកគាំទ្រទាំងអស់នៅពីក្រោយខ្នងរបស់រូបនាងខ្ញុំ អរគុណចំពោះការរួមដំណើរមួយនេះតាំងពីដើមរហូតដល់ចប់ នាងខ្ញុំពិត ជាមានសំណាងណាស់ដែលបានតំណាងឲ្យប្រទេសកម្ពុជា ប្រទេសជាតិដ៏ផូរផង់មួយនេះមកកាន់ឆាកអន្តរជាតិ Miss Grand International 2023 នាងខ្ញុំស្រលាញ់អ្នកទាំងអស់គ្នា»៕

អត្ថបទ៖ ចាន់រ៉ា