ជីវិតកម្សាន្ដ

ឈានដល់វ័យ៤៣ឆ្នាំ តារាសម្ដែង Cha Chung hwa ចូលរោងការថ្ងៃនេះ

បានផុស

១ year មុន

នៅ

ថ្ងៃសុក្រ ២៧ តុលា ២០២៣

ដោយ

តារាសម្ដែងស្រីកូរ៉េខាងត្បូង Cha Chung-hwa នឹងរៀបការជាមួយអ្នកជំនួញវ័យក្មេង នៅទីក្រុងសេអ៊ូល នាថ្ងៃទី ២៧ ខណៈដែលពិធីមង្គលការជាពិធីឯកជន មានតែក្រុមគ្រួសារ និងអ្នកជិតស្និទ្ធប៉ុណ្ណោះដែលបានអញ្ជើញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងរៀបការរបស់ Cha Cheong-hwa ត្រូវបានប្រកាសកាលពីថ្ងៃទី ១១ អ្នកទាំងពីរបានស្គាល់គ្នាជាយូរមកហើយ ហើយបានបង្កើតក្ដីស្រលាញ់ចំពោះគ្នាទៅវិញទៅមក នាំឲ្យទំនាក់ទំនងរបស់ពួកគេក្លាយជាគូស្នេហ៍ និងឈានដល់ថ្ងៃអាពាហ៍ពិពាហ៍តែម្ដង។

ទន្ទឹមនោះដែរ ក្រុមហ៊ុន IOK ដែលជាទីភ្នាក់ងាររបស់តារាសម្ដែងរូបនេះបាននិយាយលើអ់ីនធើណេតថា “សូមផ្តល់ពរជ័យជាច្រើនដល់ Cha Chung-hwa សម្រាប់ការចាប់ផ្តើមជីវិតថ្មី។ ក្នុងនោះនាងបាននិយាយតបទៅវិញថា “ក្នុងនាមជាតារាសម្តែង ខ្ញុំមានគម្រោងតបស្នងអ្នកជាមួយនឹងការសម្តែងដ៏ល្អនាពេលអនាគត ដោយចេញរូបភាពអាពាហ៍ពិពាហ៍សម្រាប់អ្នករាល់គ្នា”។

នៅក្នុងរូបភាពនោះ Cha Chung-hwa បង្ហាញរូបឆើតឆាយរបស់នាងក្នុងឈុតអាពាហ៍ពិពាហ៍ពណ៌សសុទ្ធ ខណៈដែលរូបថតរបស់នាងញញឹមយ៉ាងអៀនខ្មាស់នៅចំពោះមុខគូអនាគតរបស់នាង ធ្វើឲ្យអ្នកទស្សនាអបងអរសាទរនិងញញឹមចំពោះជីវិតថ្មីរបស់នាង។

សូមបញ្ជាក់ដែរថា Cha Chung-hwa បានបង្ហាញខ្លួនជាលើកដំបូងក្នុងរឿង ‘Back Alley Story’ ក្នុងឆ្នាំ ២០០៥ ចាប់តាំងពីពេលនោះមកបានបង្ហាញខ្លួនជាបន្តបន្ទាប់នៅក្នុងរឿង ‘Harmony’, ‘Train to Busan’, ‘Hotel Del Luna’, ‘Crash Landing on You’, និងរឿង ‘Queen of Iron Man៕