ជីវិតកម្សាន្ដ

ទិដ្ឋភាពពិធីស្ដីដណ្ដឹងពិធីការិនី ហ៊ិន ច័ន្ទនីរ័ត្ន និង លោក ឌី ពេជ្រ ពោរពេញដោយស្នាមញញឹម

បានផុស

១ year មុន

នៅ

ថ្ងៃសុក្រ ២៧ តុលា ២០២៣

ដោយ

ដូចការកំណត់ ទីបំផុតពិធីការិនីសម្ដីផ្អែម និងមានប្រជាប្រិយភាព កញ្ញា ហ៊ិន ច័ន្ទនីរ័ត្ន និងលោក ឌី ពេជ្រ បានរៀបចំពិធីពិសាស្លាដក់កន្សែងជាផ្លូវការ នៅព្រឹកថ្ងៃទី ២៧ ខែតុលា ឆ្នាំ ២០២៣ នេះ ខណៈអ្នកគាំទ្រចូលរួមអបអរសាទរគ្រប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីចូលស្ដីដណ្ដឹងកញ្ញា ហ៊ិន ច័ន្ទនីរ័ត្ន នៅព្រឹកនេះ បានរៀបចំអធិកអធមណាស់ ដោយមានការចូលរួមចាស់ទុំទាំងសងខាង និងមិត្តភ័ក្ដិសិល្បៈមួយចំនួនផងដែរ។ តាមរយៈរូបភាពដែលត្រូវបានចែកចាយនៅលើបណ្ដាញសង្គម ទទួលបានការសាទរ និងសរសើរពីសំណាក់មហាជនជាច្រើន។

តារាសម្តែង និងពិធីការិនីរូបស្រស់សម្បូរវោហារស័ព្ទមិនចេះរីងស្ងួតប្រចាំស្ថានីយទូរទស្សន៍បាយ័ន កញ្ញា ហ៊ិន ច័ន្ទនីរ័ត្ន ក៏បានបង្ហាញអារម្មណ៍រំភើបខ្លាំង និងសម្តែងក្តីគោរពអរគុណជូនចំពោះ សម្តេចទាំងទ្វេ ដែលបានសម្រេចរៀបចំឲ្យរូបនាង និងលោក ឌី ពេជ្រ ចូលរោងការតាមប្រពៃណីក្នុងពេលឆាប់ៗ នេះ។

ពិធីការិនីល្បីឈ្មោះ និងមានប្រជាប្រិយភាព ហ៊ិន ច័ន្ទនីរ័ត្ន បានលើកឡើងថា នាងពិតជាមានសំណាងខ្លាំង ដែលទទួលបានការអាណិតស្រលាញ់ពីសំណាក់ សម្តេចតេជោ ហ៊ុន សែន ដើម្បីចូលរួមឲ្យមានការចូលស្តីដណ្តឹង និងរៀបការតាមប្រពៃណីជាមួយលោក ឌី ពេជ្រ។