ជីវិតកម្សាន្ដ

សម្ដែងម្ដង៣តួក្នុងរឿង “បុព្វេសន្និវាស” តារាស្រី Bella បានតម្លៃខ្លួនប៉ុន្មាន?

បានផុស

១ year មុន

នៅ

ថ្ងៃសុក្រ ២៧ តុលា ២០២៣

ដោយ

បន្ទាប់ពីរឿង “បុព្វេសន្និវាស”ទទួលបានប្រជាប្រិយភាពខ្លាំងនាបច្ចុបន្បន្ននេះ សន្ទុះនៃការគាំទ្រតារាស្រី Bella Ranee កាន់តែខ្លាំងក្លាជាងមុន ខណៈពេលដែលនាងសម្ដែងម្ដង៣តួតែម្នាក់ឯងតើនាងទទួលបានតម្លៃខ្លួនប៉ុន្មាន?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពេលនេះថែមទៀត តំណែងរបស់ Bella Ranee បានឡើងដល់កំពូលមានតែអ្នកចង់បាននាងទៅធ្វើការជាមួយ។ មិនថាចូលរួមកម្មវិធី ឬធ្វើជាអ្នកធ្វើបទបង្ហាញឲ្យម៉ាកយីហោផ្សេងៗឡើយ។ ស្របពេលដែលរឿងភាគ”បុព្វេសន្និវាស” នៅប៉ុស្ដិ៍លេខ៣ ពេលនេះទទួលការវាយតម្លៃបានបំបែកកំណត់ត្រានៅគ្រប់ប៉ុស្តិ៍។

ក្នុងរឿងប្រវត្តិសាស្រ្តមួយនេះផងដែរ Bella បានសម្ដែងម្ដង៣តួ ពីតួនាទីរបស់ កេត ស៊ូរ៉ាង, តួ ការ៉ាកេត និងតួនាទីភូតាន់ ដែលនេះធ្វើឲ្យមហាជនជាច្រើនចង់ដឹងថា តើនាងលេង៣តួជាមួយគ្នាក្នុងពេលតែមួយ តើបានប្រាក់ឈ្នួលប៉ុន្មានក្នុងមួយវគ្គ?

ក្នុងរឿងនេះ Bella មានវគ្គថតចំនួន ១៥០ ដង សរុបមាន២៦ភាគ អត្រាការសម្ដែងរបស់ Bella សម្រាប់រឿងនេះនាងទទួលបាន ៨០ ០០០ បាតក្នុងមួយវគ្គ (២ ២០៦ដុល្លារ) ។

លើសពីនេះ Bella បានក្លាយជាទូតសុឆន្ទៈឲ្យម៉ាក់យីហោផ្សេងៗគ្នា ដែលនាងថាពេលនេះមាន២ម៉ាកយីហោ ដែលទទួលរួចហើយ ហើយអត្រាការងាររបស់ Bella ជាពិធីករ គឺ៩លានបាតក្នុងមួយដង។ សំខាន់ពេលរឿងនេះ កំពុងចាក់ផ្សាយ Bella ត្រូវបានគេទាក់ទងឲ្យទៅចូលរួមកម្មវិធីជាច្រើន ដោយនៅក្នុងព្រឹត្តិការណ៍ចាប់ផ្តើមពី ២០០,២០០ បាតឯណោះក្នុងមួយដង៕