ជីវិតកម្សាន្ដ

ភឹម ស្រីនោ ស្នើឲ្យបញ្ឈប់ការរើសអើងភេទទី ៣

បានផុស

១ year មុន

នៅ

ថ្ងៃចន្ទ ៣០ តុលា ២០២៣

ដោយ

ម្ចាស់មកុដ Miss Grand Cambodia ២០២៣ កញ្ញា ភឹម ស្រីនោ បានចេញមុខស្នើសុំដោយទទូចឲ្យបញ្ឈប់ការរើសអើង និងមាក់ងាយដល់ភេទ ទី ៣ (ខ្ទើយ) ព្រោះថាពួកគាត់សុទ្ធតែមានតម្លៃ មានសិទ្ធិគ្រប់គ្រាន់ ក្នុងការរស់នៅក្នុងសង្គមដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខអំពាវនាវរបស់បវរកញ្ញា ភឹម ស្រីនោ នេះ ធ្វើឡើងស្របពេលមានការជជែកវែកញែកពាក់ព័ន្ធការលើកឡើងពីសំណាក់តារាកំប្លែងជើងចាស់ល្បីឈ្មោះរបស់ខ្មែរមួយរូបដែលនិយាយប៉ះពាល់ក្នុងន័យរើសអើងដល់ភេទទី ៣។ កញ្ញា ភឹម ស្រីនោ បានលើកឡើងថា «ពួកយើងរស់នៅក្នុងសង្គមតែមួយ ប្រទេសតែមួយ ពិភពលោកតែមួយ ពួកយើងគួរគប្បីបើកចិត្តឲ្យទូលាយ ផ្តល់ការស្រលាញ់ ផ្តល់ការគាំទ្រដល់មនុស្សនៅជុំវិញខ្លួន»។

កញ្ញា ភឹម ស្រីនោ បញ្ជាក់ថា «ពួកគាត់សុទ្ធតែមានតម្លៃ ពួកគាត់មានសិទ្ធិគ្រប់គ្រាន់ក្នុងការរស់នៅ ការបញ្ចេញមតិយោបល់ ពួកគាត់ពុំបានប្រព្រឹត្តអំពើទុច្ចរិតឯណា ហេតុអ្វីបានជាត្រូវរើសអើងគាត់? សូមបញ្ឈប់ការរើសអើងក្នុងពេលនេះ ហើយចាប់ផ្ដើមបើកចិត្តឲ្យទូលាយក្នុងការទទួលយក ពីព្រោះគ្មាននរណាម្នាក់ចង់កើតមកបែបនេះនោះទេ»។

ម្ចាស់មកុដ Miss Grand Cambodia ២០២៣ និយាយបន្ថែមថា «ខ្ញុំ នឹងឈរនៅទីនេះជាមួយអ្នក មិន ថាក្នុងកាលៈទេសៈណាទេ ខ្ញុំនៅតែគាំទ្រអ្នក LGBTQ + »។ តាមរយៈការលើកឡើងរបស់បវរកញ្ញា ភឹម ស្រីនោ ខាងលើនេះ ឃើញមានការបញ្ចេញមតិគាំទ្រជាច្រើនពីសំណាក់មហាជន៕

អត្ថបទ ៖ ចាន់រ៉ា