ជីវិតកម្សាន្ដ

ពេជ្រ វត្តីសារ៉ាវឌ្ឍី ទីផ្សារកាន់តែផ្ទុះខ្លាំងនៅថៃ ទោះឆ្នាំនេះនាងបានបញ្ចប់តួនាទី

បានផុស

១ year មុន

នៅ

ថ្ងៃពុធ ១ វិច្ឆិកា ២០២៣

ដោយ

តាមប្រភពច្បាស់ការបានចេញមកទម្លាយថា ម្ចាស់មកុដ Miss Grand Cambodia ២០២២ កញ្ញា ពេជ្រ វត្តីសារ៉ាវឌ្ឍី ទោះបីឆ្នាំនេះបញ្ចប់តួនាទីក៏ពិតមែន ប៉ុន្តែសម្រាប់ទីផ្សារការងាររបស់នាងទាំងក្នុង និងក្រៅស្រុក កាន់តែមានភាពលេចធ្លោខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួយ៉ាងថ្មីៗនេះ បវរកញ្ញា ពេជ្រ វត្តីសារ៉ាវឌ្ឍី ត្រូវបានបណ្ដាក្រុមហ៊ុននៅប្រទេសថៃមួយចំនួន កំពុងទាក់ទងដើម្បីផ្តល់ការងារសម្រាប់នាង ខណៈអ្នកគាំទ្រសម្លឹងឃើញថា ទីផ្សាររបស់ វត្តីសារ៉ាវឌ្ឍី ហក់ឡើងស្រឺតៗ ដូចកាំជណ្ដើរ ដែលអាចធ្វើឲ្យស្រីស្អាតរូបនេះ ប្រមូលលុយបានច្រើនពីការងារមួយនេះ។

ជាមួយគ្នានេះ មានការលើកឡើងនៅលើបណ្ដាញសង្គមថា «Pichy នៅតែមានទីផ្សារ បើទោះបីឆ្នាំរបស់នាងបានបញ្ចប់ក៏ដោយ ក្នុងឆ្នាំ ២០២៤ គឺ តីតី ត្រូវបាន ND Miss Grand Thailand មួយចំនួន បានទាក់ទងការងារមកបណ្ដើរៗ ហើយ ដើម្បីឲ្យនាងក្លាយទៅជា….(ប្រាប់ពេលនេះម៉េច surprise)»។

ជាការពិតណាស់ម្ចាស់មកុដ Miss Grand Cambodia២០២២ កញ្ញា ពេជ្រ វត្តីសារ៉ាវឌ្ឍី បច្ចុប្បន្នគេសង្កេតឃើញថា ទាំងប្រជាប្រិយភាព និងសន្ទុះ នៃការគាំទ្រ ហាក់ហក់ឡើងមិនចាញ់តារាឯទៀតនោះឡើយ។ មិនតែប៉ុណ្ណោះរូបសម្ផស្សរបស់នាង ក៏ជាផលវិជ្ជមានក្នុងការទាក់ទាញបុរសៗ ឲ្យលង់ស្រលាញ់ទៀតផង។

គួររម្លឹកថា កន្លងមក កញ្ញា ពេជ្រ វត្តីសារ៉ាវឌ្ឍី គឺជាបវរកញ្ញាតំណាងកម្ពុជាក្នុងការចេញទៅប្រកួតលើឆាកអន្តរជាតិនាអំឡុងខែតុលា ចុងឆ្នាំ ២០២២។ យ៉ាងណាមិញ ទោះបីនាងមិនអាចឆ្លងចូលTop5 ក្នុងការប្រកួតវគ្គផ្ដាច់ព្រ័ត្រ MGI 2022 នៅឯប្រទេសឥណ្ឌូណេស៊ី ពិតមែន តែបវរកញ្ញារូបនេះ រក្សាបានការគាំទ្រលើកទឹកចិត្តខ្លាំងពីសំណាក់ប្រជាជនកម្ពុជាគ្រប់រូប៕

អត្ថបទ ៖ ចាន់រ៉ា