Tavia Yeung នឹងត្រឡប់មកថតរឿងឲ្យ TVB ម្ដងទៀត

ក្រុមហ៊ុនទូរទស្សន៍ TVB បានអញ្ជើញ Tavia Yeung មកសម្ដែងក្នុងរឿងថ្មីរបស់ខ្លួនដែលមានចំណងជើងថា Black Moon ។

ចាប់តាំងពីរៀបការជាមួយលោក Him Law ក្នុងឆ្នាំ ២០១៦ មក អ្នកស្រីបានផ្ដល់កំណើតដល់កូន ២ នាក់ ទើបមិនសូវទទួលការងារដូចមុន ។

រឿងចុងក្រោយដែល Tavia សម្ដែងគឺរឿង Another Era ក្នុងឆ្នាំ ២០១៧ ។ ពេលនេះកូននាងមានអាយុជិត ៤ ឆ្នាំ និង ២ ឆ្នាំ ហើយ ដូច្នេះ Tavia ចង់ចំណាយពេលផ្ដោតលើវិស័យសិល្បៈម្ដងទៀត ។ ចំណែកឯកូនទាំង ២ វិញ Tavia និង Him មានគម្រោងដាក់វេនគ្នាមើលថែម្ដងម្នាក់ ។ បើនរណាម្នាក់ទទួលការងារ ម្នាក់ទៀតនឹងមិនទទួលជាដាច់ខាត ដើម្បីទុកពេលមើលកូនជំនួសគ្នា ។

គួរឲ្យដឹងថា រឿង Black Moon គឺផលិតដោយ Chung Cheng ដែលជាផលិតករល្អម្នាក់ ធ្វើឲ្យ Tavia ពេញចិត្តនឹងទទួលការងារដោយឥតស្ទាក់ស្ទើរ ៕

ប្រែសម្រួល៖ វារី

ប្រភព៖ Jaynestars

ចុចអាន៖ Charmaine Sheh បដិសេធសម្ដែងតួចិត្តអាក្រក់ដល់ទៅ ១៥ ឆ្នាំ ដោយសារហេតុផលមួយ