ជីវិតកម្សាន្ដ

ករុណា ពេជ្រ ប្រកាសប្រាប់អ្នកស្គាល់ប្រុងប្រយ័ត្នករណីកុហកបោកប្រាស់ ឬសុំខ្ចីលុយ

បានផុស

១ year មុន

នៅ

ថ្ងៃសុក្រ ១០ វិច្ឆិកា ២០២៣

ដោយ

តារាចម្រៀងចាស់វស្សាលោក ករុណា ពេជ្រ បានចេញមុខប្រកាសប្រាប់អ្នកដែលស្គាល់លោកទាំងក្នុង និងក្រៅប្រទេសឲ្យមានការប្រុងប្រយ័ត្ន បន្ទាប់ពីរូបថតរបស់លោកត្រូវបានជនខិលខូចបានលួចយកទៅបង្កើត Account Facebook ក្លែងក្លាយក្នុងចេតនាមិនល្អ ឬបោកប្រាស់ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសង្កេតឃើញសកម្មភាពមិនល្អបែបនេះលោក ករុណា ពេជ្រ បានចេញមកបញ្ជាក់ថា Wow! ករុណា ចាស់ហើយទុក ករុណា មួយយកតែបុណ្យកុំ Fake អី្វយករូបគេក្មេងៗទៅ fake ទៅបងប្អូន យករូបមនុស្សចាស់អ៊ីចឹងទៅបោកគេអ្នកណាគេជឿ។ ករុណា មាន តែឈ្មោះមួយនេះទេអត់មានឈ្មោះ Next Name Sokhom Arun រស្មី ភក្តីមានរិទ្ធិ អី្វនោះទេ។

លោក ករុណា ពេជ្រ បានលើកឡើងទៀតថា និយាយលេងទេបងប្អូន ប៉ុន្តែសូមបញ្ជាក់មែនទែនសូមបងប្អូនក្នុងប្រទេស និងក្រៅប្រទេសមេត្តាប្រុងប្រយ័ត្នបើ AccountFacebook នេះឆាតលេង ឬក៏មានគោលបំណងធ្វើជាករណីបោកប្រាស់ កុហក ឬសុំខ្ចីលុយអី្វរូបខ្ញុំបាទ ម៉ុក ករុណា ឬករុណា ពេជ្រ សុំមិនទទួលខុសត្រូវទេ ព្រោះមិនមែន Account Facebook ពិតប្រាកដរបស់ខ្ញុំបាទទេ។

តារាចម្រៀងលោក ករុណា ពេជ្រ បានបញ្ជាក់បន្ថែមថា “បើបងប្អូនស្រលាញ់គោរពរាប់អានខ្ញុំ សុំជួយស៊ែរ ម្នាក់មួយផង ដើម្បីចៀសវាងការចាញ់បោកប្រាស់គេអោយសោះ“។

តាមការកត់សម្គាល់ នេះពុំមែនទើបតែកើតឡើងលើកទី១ ចំពោះតារាចម្រៀងលោក ករុណា ពេជ្រ ខណៈកន្លងមកធ្លាប់មានតារាសិល្បៈប្រុស-ស្រី ខ្មែរច្រើននាក់មកហើយក៏ធ្លាប់ប្រកាសពីដំណឹងដូចគ្នានឹងលោក ករុណា ពេជ្រ ផងដែរ៕

អត្ថបទ៖ ចាន់រ៉ា