ជីវិតកម្សាន្ដ

សហគមន៍សុខាភិបាលខ្មែរនៅអាមេរិក បង្កើតកម្មវិធីជួបជុំ រកថវិកាជួយព្យាបាលជំងឺឥតគិតថ្លៃ នៅកម្ពុជា

បានផុស

១ year មុន

នៅ

ថ្ងៃចន្ទ ១៣ វិច្ឆិកា ២០២៣

ដោយ

តាមរយៈលោក យស បូវណ្ណៈ អតីតតារាភាពយន្តជើងចាស់ល្បីឈ្មោះរបស់ខ្មែរ ឲ្យដឹងថា ថ្មីៗនេះ សហគមន៍សុខាភិបាលខ្មែរនៅសហរដ្ឋអាមេរិក បានរៀបចំកម្មវិធីជួបជុំលើកទី ១៣ ឆ្នាំ ដើម្បីរកថវិកាពីសប្បុរសជនជួយព្យាបាលជំងឺឥតគិតថ្លៃនៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក យស បូវណ្ណៈ បានឲ្យដឹងបន្ថែមថា គោលបំណង នៃកម្មវិធីជួបជុំនេះ ដើម្បីរកថវិកាពីសប្បុរសជនជួយគាំទ្រដល់ក្រុមវេជ្ជបណ្ឌិតខ្មែរ និងលោកគ្រូពេទ្យស្ម័គ្រចិត្ត ទៅព្យាបាលជំងឺដោយឥតគិតថ្លៃនៅឯប្រទេសកម្ពុជា ដោយមានការចូលរួមពីពលរដ្ឋខ្មែរជាច្រើនរស់នៅទីនោះ។

តារាភាពយន្តជើងចាស់រូបនេះ បញ្ជាក់ថា «ខ្ញុំ យស បូវណ្ណៈ និងភរិយាខ្ញុំ ក៏បានចូលរួមគាំទ្រក្នុងកម្មវិធីលើកទី ១៣ ឆ្នាំ របស់សហគមន៍សុខាភិបាលខ្មែរនៅសហរដ្ឋអាមេរិក ដើម្បីរកថវិកាពីសប្បុរសជនដែលជួយគាំទ្រដល់ក្រុមវេជ្ជបណ្ឌិតខ្មែរ និងលោកគ្រូពេទ្យស្ម័គ្រចិត្ត ដើម្បីទៅព្យាបាលជំងឺដោយឥតគិតថ្លៃនៅឯប្រទេសកម្ពុជាផង»។

តាមការកត់សម្គាល់ លោក យស បូវណ្ណៈ កន្លងមក តែងតែផ្សព្វផ្សាយសិល្បៈវប្បធម៌ជាតិខ្មែរ ទោះជាហត់នឿយពីការងារស្នូលយ៉ាងណាក៏ដោយ ក៏ក្រុមគ្រួសារលោកស៊ូខំប្រឹងបង្ហាញឲ្យបរទេសបានស្គាល់អំពីអត្តសញ្ញាណសិល្បៈ វប្បធម៌ ដ៏សម្បូរបែបរបស់ខ្មែរ។

គួរជម្រាបថា លោក យស បូវណ្ណៈ ត្រូវបានគេស្គាល់ថាជាតារាភាពយន្តខ្មែរជើងចាស់ដែលល្បីល្បាញក្នុងជំនាន់តារារួមជំនាន់អ្នកនាង ចាន់ តារាទី និង អ្នកនាង អម្ពរ ទេវី ជាដើម៕

អត្ថបទ ៖ ចាន់រ៉ា