Britney Spears ធ្លាប់ជួប Taylor Swift តាំងពីនាងនៅក្មេង មិនទាន់ល្បីម្ល៉េះ

កាលពីថ្ងៃសៅរ៍ ទី១១ ខែវិច្ឆិកា Britney Spears បានបង្ហោះរូបជាមួយតារាចម្រៀង Taylor Swift ហើយថែមទាំងបានទម្លាយទៀតថា នាងធ្លាប់ជួបគ្នា តាំងតែពី Taylor មានអាយុ ១៤ ឆ្នាំមកម្ល៉េះ ។

អ្នកទាំង ២ បានជួបគ្នានៅក្រោយឆាកនៃការប្រគំតន្ត្រីរបស់ Britney Spears នៅឆ្នាំ ២០០៣ ។ គ្រានោះ Britney Spears មានអាយុ ២២ ឆ្នាំ និងមានកេរ្តិ៍ឈ្មោះល្បីល្បាញទៅហើយ ។

Britney Spears រៀបរាប់ថា មិត្តភ័ក្ដិរបស់នាងម្នាក់បាននាំ Taylor Swift មកច្រៀងឲ្យនាងស្ដាប់ ហើយពេលនោះ Taylor ច្រៀងបានពិរោះណាស់ ថែមទាំងចេះលេងហ្គីតាទៀតផង បន្ទាប់មកពួកគេបានថតរូបជាមួយគ្នាទុកជាអនុស្សាវរីយ៍ ។

ថ្មីៗនេះ Taylor Swift ក្លាយជានារីជោគជ័យទាំងរឿងស្នេហា និងអាជីព ខណៈ Britney Spears មានបញ្ហាឥតឈប់ឈរ ជាពិសេសទើបតែបែកបាក់ស្វាមីវ័យក្មេងលោក Sam Asghari ។

គួររំលឹកថា Britney Spears បានចេញសៀវភៅមួយក្បាលនិយាយពីជីវិតរបស់នាងដែលមានចំណងជើង “The Woman in Me” ហើយបើតាមមហាជនដែលធ្លាប់អាន បានឲ្យដឹងថា Britney Spears ជាស្ត្រីគួរឲ្យអាណិត រឹងមាំ និងពូកែណាស់ ទើបនាងអាចមានថ្ងៃនេះ ៕

ប្រែសម្រួល៖ វារី

ប្រភព៖ Asianone

ចុចអាន៖ មកដឹងរឿងរ៉ាវដែល Britney Spears សរសេរក្នុងសៀវភៅអំពីអតីតស្វាមីក្មេង

ចុចអាន៖ Taylor Swift ឈ្នះពានដល់ទៅ ២០ ក្នុងកម្មវិធី Billboard Music Awards ឆ្នាំ ២០២៣